60 व्या वर्षी दुसरं लग्न करणाऱ्या आशिष विद्यार्थींची संपत्ती किती? पत्नीही आहे कोट्यवधींची मालकिण

बॉलिवूड अभिनेता आशिष विद्यार्थींनी वयाच्या 57 व्या वर्षी दुसरं लग्न केलं आहे.

रुपाली बरूआ या आसाममधील प्रसिद्ध फॅशन आंत्रप्रेन्युअर आहेत. कोलकातामध्ये त्यांचं स्वतःचं फॅशन स्टोअर असून त्यांची नेटवर्थ कोट्यवधींमध्ये आहे. बॉलिवूडमधील व्हिलन अशी ओळख असलेले आशिष विद्यार्थी व रुपाली बरुआ या दोघांची नेटवर्थ किती आहे, ते जाणून घेऊयात.

राष्ट्रीय पुरस्कार विजेते अभिनेते आशिष विद्यार्थी केवळ बॉलीवूडमध्येच नाही तर तेलुगू, तमीळ, कन्नड, मल्याळम चित्रपटांमध्येही काम करतात.

रिपोर्टसनुसार, अभिनेत्याची एकूण संपत्ती सुमारे 10 मिलियन डॉलर्स म्हणजेच 82 कोटी रुपये आहे. ते महिन्याला 10 लाखांपेक्षा जास्त कमवतात. ते एका चित्रपटात काम करण्यासाठी 25 लाख ते 1 कोटी रुपये घेतात. त्यांनी आतापर्यंत 11 वेगवेगळ्या भाषांमधील सुमारे 300 चित्रपटांमध्ये काम केलं आहे.

आशिष विद्यार्थी यांचं पहिलं लग्न अभिनेत्री राजोशी हिच्याशी झालं होतं. राजोशी एकेकाळच्या सुप्रसिद्ध अभिनेत्री शकुंतला बरुआ यांची मुलगी आहे.

आता वयाच्या 60 व्या वर्षी आशिष यांनी दुसरं लग्न केलंय. आयुष्याच्या या टप्प्यावर रुपालीशी लग्न करणं ही एक एक्स्ट्रा ऑर्डिनरी भावना आहे, असं ते म्हणाले. गुरुवारी 25 मे रोजी एका साध्या सोहळ्यात या दोघांनी लग्नगाठ बांधली.

रुपाली बरुआ आशिष विद्यार्थी यांच्यापेक्षा वयाने खूपच लहान आहे, ती 33 वर्षांची आहे. यासोबतच दोघांच्या संपत्तीच्या आकड्यातही बराच फरक आहे. रिपोर्टनुसार, रुपाली बरुआची एकूण संपत्ती सुमारे 1 मिलियन डॉलर्स म्हणजेच 8 कोटी रुपये आहे. रुपाली तिच्या मॉडेलिंग असाइनमेंट्स, ब्रँड एंडोर्समेंट्स आणि सोशल मीडियाच्या माध्यमातून कमाई करते. ती एक प्रसिद्ध सोशल मीडिया एन्फ्लुएन्सरदेखील आहे.

बॉलिवूडमध्ये नकारात्मक भूमिका साकारण्यासाठी प्रसिद्ध असलेले आशिष विद्यार्थी यांचा जन्म 19 जून 1962 रोजी दिल्लीत झाला. 1986 पासून त्यांनी अभिनय कारकिर्दीला सुरुवात केली. आशिष विद्यार्थी यांनी अनेक हिंदी, तेलुगू, तमीळ, कन्नड, मल्याळम, इंग्रजी, ओडिया, मराठी आणि बंगाली चित्रपटांमध्ये काम केलंय. अलीकडेच ते अमिताभ बच्चन आणि रश्मिका मंधाना स्टारर चित्रपट 'गुडबाय'मध्ये दिसले होते. ते सोशल मीडियावरही खूप सक्रिय आहेत व फूड ब्लॉगिंगदेखील करतात.