असा झाला पुलवामातील मास्टरमाईंडचा खात्मा

पुलवामा येथे 14 फेब्रुवारी 2019 या दिवशी दहशतवाद्यांनी आत्मघातकी हल्ला केला. त्यामध्ये 40 जवान शहीद झाले. या हल्ल्यानंतर देशभरातून दहशतवादी आणि पाकिस्तानविरोधात संतापाची लाट उसळली आहे.

पुलवामा येथे झालेल्या दहशतवाद्यांच्या हल्ल्यात 40 जवान शहीद झाले. त्यानंतर लष्करानं दहशतवाद्यांविरोधात जोरदार शोधमोहिम उघडली आहे.

सकाळपासून दक्षिण काश्मीरमधील पुलवामा जिल्ह्यातील पिंगलान येते दहशतवादी लपून बसल्याची खबर लष्कराला मिळाली. त्यानंतर लष्करानं दहशतवादी लपून बसलेल्या घराला घेरलं. दरम्यान, दहशतवादी आणि जवानांमध्ये जोरदार चकमक उडाली.

दहशतवाद्यांविरोधात कारवाई करत असताना स्थानिकांना अडथळा निर्माण केला. त्यानंतर लष्करानं स्थानिकांना कारवाईमध्ये अडथळा न करण्याचं आवाहन केलं.

या कारवाईमध्ये लष्करानं दोन दहशतवाद्यांचा खात्ना केला. हे दोन्ही दहशतवादी जैश - ए - मोहम्मद या दहशतवादी संघटनेचे होते. पुलवामा हल्ल्यामध्ये देकील त्यांचा सहभाग होता. या कारवाईमध्ये चार जवान शहीद झाले.