Yasin Malik Wife : यासीनची बायको पाकिस्तानात बसून करतेय भारतीयांची बदनामी; श्रीमंत परिवारात Luxury आयुष्य जगतेय

Yasin Malik Love Story : टेरर फंडिंग प्रकरणात गुन्हा सिद्ध झालेला काश्मीरमध्ये दहशतवाद पसरवणारा दहशतवादी यासीन मलिक कोर्टाच्या निर्णयानंतर पुन्हा चर्चेत आला आहे. यासीनची बायको मुशाल हुसैन मलिक तिकडे पाकिस्तानात बसून भारताविरोधात गरळ ओकतेय. ही सुंदरी यासीनला कशी भेटली आणि पाकिस्तानच्या हाय प्रोफाइल व्यक्तींशी कशी आहे संबंधित?

मुशाल हुसैन ही पाकिस्तानातल्या उच्चभ्रू कुटुंबातली आहे. तिची आई मुस्लीम लीगची नेता आहे आणि एके काळी तत्त्कालीन पंतप्रधान नवाज शऱीफ यांच्याशी तिचे जवळचे संबंध होते. मुशालचे वडील प्रतिष्ठित अर्थतज्ज्ञ आहेत.

पाकिस्तानात बसून सोशल मीडियामधून भारतविरोधी वातावरण तापवण्याचं काम करत आहे मुशाल. ती स्वतःला काश्मिरी फुटरवादी नेता असल्याचं मानते. यासीनची बायको असल्याचा अभिमान असल्याचं ती सांगेत. काश्मीर फाइल्स सिनेमालाही तिने कडाडून विरोध केला होता.

यासीनचं एक भाषण ऐकून मुशाल प्रभावित झाली. त्यांची ओळख आणि मैत्री झाली. त्यानंतर यासीनने मुशालला प्रपोज केलं.

यासीनला अटक झाल्यापासून मुशाल पाकिस्तानात बसून भारविरोधी प्रचार करत आहे. पाकिस्तान काश्मीर कधीच सोडणार नाही, असं ती सांगते.

मुशाल हुसैन मलिकला ट्विटरवर 80 हजारांहून अधिक फॉलोअर्स आहेत. तिचे भारत विरोधी ट्वीट्स PTI सारख्या सत्ताधारी पक्षाच्या अधिकृत हँडल्सनीही रीट्विट केलं आहे. FreeYasinmallik नावाने ती कँपेन चालवत आहे.

मुशाल मलिक पाकिस्तानातल्या एका प्रतिष्ठित परिवाराशी निगडित आहे. तिची आई नवाज शरीफ यांची निकटवर्तीय आहे आणि त्यांच्या मुस्लीम लीग या पक्षाची नेताही आहे.

मुशाल मलिकचं शिक्षण लंडन स्कूल ऑफ इकॉनॉमिक्समधून झालं आहे. भाऊ हैदर अली अमेरिकेत असतो.

यासीन मलिकला NAI कोर्टाने जन्मठेपेची शिक्षा सुनावली आहे. 1990 मध्ये 4 भारतीय जवानांची हत्या केल्याचा यासीनवर आरोप होता, तो त्याने मान्य केला आहे. याशिवाय तत्कालीन मुख्यमंत्री मुफ्ती मोहम्मद सईद यांच्या मुलीच्या अपहरणाचा कटही यासीनने रचल्याचा आरोप आहे.