अंत्यसंस्कारानंतर पती दारात उभा; कुटुंबियांना बसला धक्का, नेमका काय घडला प्रकार

देशात कोरोनामुळे अनेकांमध्ये भीतीचं वातावरण आहे. अशातच लॉकडाऊन आणि कोरोना काळात अनेक हरवलेल्या व्यक्ती सापडणं किंवा कोरोना रुग्णांचा मृतदेहांची आदला बदल होणं असे प्रकार घडत असल्याचं समोर येत आहे.

उत्तर प्रदेशात आणखीन एक धक्कादायक घटना समोर आली आहे. हरवलेल्या अहमद हसन यांच्या मृतदेहावर अंत्यसंस्कार केल्याचा दावा कुटुंबियांनी केल्यानंतर शुक्रवारी अहमद हसन दारात उभे राहिले. या घटनेमुळे संपूर्ण परिसरात मोठी खळबळ उडाली काय आहे नेमका प्रकार जाणून घ्या.

अहमद यांनी दिलेल्या पोलिसांनी दिलेल्या माहितीनुसार पत्नीसोबत वाद झाल्यानं त्यांनी घर सोडलं आणि रागाच्या भरात निघून गेले होते. शुक्रवारी जेव्हा ते पुन्हा आपल्या घरी आले तेव्हा त्यांना धक्काच बसला.

माझा मृत्यू झाल्याचं समजून कुटुंबियांनी अंत्यसंस्कार केले. मी मात्र जिवंत घरी परत आलो आहे. अशी माहिती अहमद यांनी पोलिसांना दिली.

कुटुंबियांनी दफन केलेला मृतदेह नेमका कोणाचा होता आणि तो कुठे मिळाला नेमकं काय घडलं याचं गूढ पोलिसांना शोधण्याचं मोठं आव्हान आहे. या प्रकरणामुळे परिसरात मोठी खबबळ उडाली आहे. या घटनेचा सध्या पोलिसांकडून तपास सुरू आहे.