दिल्ली-मुंबई एक्स्प्रेस वेचे PHOTO पाहून तुम्हालाही प्रवासाचा आवरणार नाही मोह! 12 तासात पूर्ण होणार अंतर

केंद्रीय रस्ते वाहतूक मंत्री नितीन गडकरी यांनी 22 जानेवारी रोजी दिल्ली-मुंबई एक्स्प्रेस वेच्या वडोदरा-विरार विभागाचे काही सुंदर फोटो शेअर केले आहेत. 2024 च्या अखेरीस भारतीय रस्ते अमेरिकेपेक्षा चांगले बनवण्याचा संकल्प केंद्रीय मंत्री गडकरींनी केला आहे. (फोटो-ट्विटर/@yt_droneman)

दिल्ली-मुंबई एक्सप्रेसवे 1,382 किमी लांबीचा असून 1 लाख कोटी रुपये खर्चून बांधला जात आहे. हा एक्स्प्रेस वे सुरू झाल्यानंतर देशाची आर्थिक राजधानी आणि राष्ट्रीय राजधानीमधील अंतर 12 तासांत कापले जाणार आहे. (फोटो-ट्विटर/@yt_droneman)

'पीएम गति शक्ती' अंतर्गत पायाभूत सुविधा कनेक्टिव्हिटी प्रकल्पांच्या एकात्मिक नियोजन आणि समन्वित अंमलबजावणीच्या पंतप्रधानांच्या संकल्पनेनुसार, 'समृद्धी महामार्ग' दिल्ली-मुंबई एक्सप्रेसवे महामार्गाशी जोडला जाईल. (फोटो-ट्विटर/@yt_droneman)

16 जानेवारी रोजी NHAI ने सांगितले होते की रस्ते अपघातांचे व्यवस्थापन करण्यासाठी आणि महामार्गावरील वेग मर्यादा आणि इतर नियम लागू करण्यासाठी राष्ट्रीय महामार्ग आणि द्रुतगती मार्गांवर अॅडव्हान्स ट्रॅफिक मॅनेजमेंट सिस्टम (ATMS) लागू केली जात आहे. (फोटो-ट्विटर/@yt_droneman)

एनएचएआयने सांगितले की दिल्ली-मुंबई एक्स्प्रेस वे सारख्या प्रकल्पांतर्गत एटीएम देखील स्थापित केले जात आहेत. महामार्गावरील सुरक्षिततेच्या समस्या ओळखण्यासाठी ड्रोन व्हिडिओ आणि नेटवर्क सर्वेक्षण वाहन डेटाचे विश्लेषण करण्यासाठी NHAI GIS तंत्रज्ञानाचा लाभ घेण्याचा विचार करत आहे. (फोटो-ट्विटर/@yt_droneman)