श्रीलंकेच्या MT New Diamond या तेल जहाजावर 3 दिवसांपासून भीषण आग लागली होती. भारतीय नौदलाच्या मदतीने ही आग रविवारी विझवण्यात यश आलं. हजारो टन तेल असलेलं हे हजार श्रीलंकेतून भारताकडे येत होतं. मात्र काही अंतर कापल्यानंतर या जहाजाला आग लागली. समुद्रातल्या वेगवान वाऱ्यामुळे ही आग चांगलीच भडकली होती. श्रीलंकेने भारतीय नौदलाला मदतीची विनंती केली. त्यानंतर भारतीय नौदलाच्या बचाव पथकाने धाव घेत आग विझवण्यासाठी प्रयत्न सुरू केलेत. तीन दिवसांच्या प्रयत्नानंतर रविवारी आगीवर ताबा मिळवण्यास अधिकाऱ्यांना यश आलं. आगीवर नियंत्रण मिळविण्यासाठी हेलिकॉप्टरचीही मदत घेण्यात आली होती. नौदलाच्या INS Sahyadri या जहाजाने यात मोठी कामगीरी बजावली. या आगीमुळे समुद्रात प्रदुषण होणार नाही याची काळजी आता घेण्यात येत आहे. भारतीय नौदलाचे अधिकारी आगीच्या कारणांचाही शोध घेत आहेत.
