ब्युटी पार्लरमध्ये मेकअप करीत होती नवरी; तेवढ्यात मोबाइलवरील मेसेज पाहून सर्वांनाच बसला धक्का!

लग्न हा प्रत्येकाच्या आयुष्यातील महत्त्वाचा टप्पा असतो. नवरीमुलगी सकाळपासून त्याच आनंदात होती. ती ब्युटी पार्लरमध्ये लग्नाची तयारी करीत होती. त्यावेळी मोबाइलवर एक संदेश आला आणि त्यानंतर तिला धक्काच बसला. आता नवरदेवाकडील मंडळी वरात घेऊन येणार नव्हते.

उत्तर प्रदेशातील कानपूरमध्ये हैराण करणारी घटना समोर आली आहे. येथे येथे लग्नाच्या काही वेळापूर्वी नवरदेवाने वरात आणणार नसल्याचं सांगितलं. नवरदेवाने नवरीला मोबाइलवर मेसेज केला, ज्यामध्ये लिहिलं होतं की, लग्न रद्द झाले आहे. आता ते वरात घेऊन येणार नाहीत. हा मेसेज वाचून नवरीला धक्काच बसला. मुलीने घरातल्यांना याबाबत माहिती दिली. यानंतर पोलिसांनी नवरदेवाच्या विरोधात एफआयआर दाखल केला आहे.

कानपूरमध्ये पनकी पोलीस ठाण्याच्या हद्दीत राहणारी पुष्पा लता हिचं लग्न महाराजपूर येथील करौली निवासी क्रांती सिंहसोबत ठरलं होतं. 28 एप्रिल रोजी वरात येणार होती. नवरीच्या घरात वरातीच्या स्वागताची तयारी सुरू होती.

जेव्हा पुष्पलता ब्युटी पार्लरमध्ये तयारी करीत होती, तेव्हा तिच्या मोबाइलवर मेसेज आला. हा नवरदेवाचा होता. ज्यात त्याने लिहिलं होतं की, तो वरात घेऊन येत नाही. हा मेसेज वाचून नवरीच्या पायाखालची जमीन सरकली. तिने कुटुंबीयांना याबाबत सांगितलं. ज्यानंतर हे प्रकरण पोलिसात गेलं. घटनास्थळी पोहोचलेल्या पोलिसांनां नवरीने सांगितलं, मुलाकडील मंडळींना हुंडा न दिल्याने लग्न रद्द केलं.

पुष्पलताने सांगितलं की, आता ती त्या मुलासोबत लग्न करणार नाही. मात्र त्या मुलाला आणि त्याच्या कुटुंबीयांना शिक्षा मिळावा यासाठी पाठपुरावा करेल. लग्नात 30 लाखांचा खर्च केला आहे. 12 लाख रुपयांची गाडी खरेदी केली आहे. मात्र हुंड्याचा हव्यास असणारे मुलाकडील मंडळी यातून खूश झाले नाहीत.