क्या बात है! या तरुणानं सुपारीवर तयार केल्या वेगवेगळ्या कलाकृती, PHOTOS पाहून व्हाल थक्क

कोरोना आणि लॉकडाऊनमुळे बराच काळ लोक घरी होते. याच दरम्यान लोकांनी केलेले जुगाड, त्यांच्यातील कलाकृती आणि भन्नाट आयडीया सोशल मीडियाद्वारे जगासमोर आल्या. आतापर्यंत तांदूळ, नारळ, खडू यांवर कोरीव काम केलेलं पाहिलं असेल पण सुपारीवर कोरीव काम करण्याची कला एका तरुणाला अवगत आहे.

गुजरातच्या सुरत इथे पवन शर्मा यांनी लॉकडाऊनमध्ये सुपारीवर आपलं कौशल्य दाखवलं. राम मंदिर, श्री गणेश, पंतप्रधान नरेंद्र मोदींची कलाकृती इतकच नाही तर अगदी चहाच्या कपाच्या कलाकृतीपासून नावांपर्यंत सुपारीवर उत्कृष्ट पद्धतीनं त्याने कोरीव काम केलं आहे.

त्यांच्या या कलेची सोशल मीडियावर तुफान चर्चा होत आहे. पवन यांनी 2021 नव्या वर्षाच्या शुभेच्छा देण्यासाठी खास सुपारीपासून हॅपी न्यू इयर तयार केलं आहे.

पवन शर्मा यांनी सुपारीवर उत्कृष्ट कलाकृती बनवून लॉकडाउनमध्ये आपला वेळ घालवला. सुपारीचे काम करणे किती अवघड आहे हे त्यांच्या या कलेकडे पाहून आपल्याला अंदाज येऊ शकेल.

याशिवाय पवन यांनी कोरोना वॉरियर्स, अल्फाबेट, 2021 लोगो, कप आर्टवर्क देखील केले आहे. युझर्सनी त्यांच्या या कलेचं खूप कौतुक केलं आहे.