#ModiAt70 : जगात भारी नेते पंतप्रधान नरेंद्र मोदी; वेगळेपण सांगणारे 12 PHOTOS

जगभरात पंतप्रधान नरेंद्र मोदी उत्तम नेता म्हणून प्रसिद्ध आहेत. वाढदिवसानिमित्तानं आज त्यांचं वेगळेपण दाखवणारे काही फोटो पाहणार आहोत.

News18 Lokmat | Sep 17, 2020 02:39 PM IST

अमेरिकेचे राष्ट्राध्यक्ष डोनाल्ड ट्रम्प आणि पंतप्रधान नरेंद्र मोदी चांगले मित्र आहेत. हाऊडी मोदी ते नमस्ते ट्रम्प कार्यक्रमापर्यंत संपूर्ण जगानं त्याची झलक पाहिली होती. याआधी अमेरिकेचे राष्ट्राध्यक्ष ट्रम्प म्हणाले होते की पंतप्रधान नरेंद्र मोदी माझे मित्र आणि एक महान नेते आहेत. ते खूप चांगलं काम करत आहेत. भारताला एक महान नेता आणि चांगली व्यक्ती मिळाली आहे.

पंतप्रधान नरेंद्र मोदींचे रशियाचे राष्ट्राध्यक्ष व्लादिमीर पुतिन यांच्यासोबतही खूप चांगले संबंध आहेत. रशियाचे अध्यक्ष व्लादिमीर पुतिन यांनी मोदींना खास शुभेच्छासंदेश पाठवला आहे. मोदींच्या नेतृत्वामुळे भारत सामाजिक, आर्थिक, वैज्ञानिक आणि तंत्रज्ञान क्षेत्रात विकासाच्या मार्गावर असल्याचंही त्यांनी उल्लेख केला आहे.

गेल्या काही दिवसांपासून भारत-चीन यांच्यात तणावाचे संबंध असले तरी पंतप्रधान मोदी आणि जिनपिंग यांच्यातील संबंध चांगले मानले जात आहेत. 2014मध्ये सत्तेत आल्यानंतर जवळपास 18 वेळा पंतप्रधान मोदी आणि जिनपिंग यांची भेट घेतली होती.

पंतप्रधान नरेंद्र मोदी ब्राझीलचे राष्ट्राध्यक्ष जैयर बोल्सनारो यांच्या भेटीदरम्यान हा फोटो आहे. 28 जून रोजी बोल्सनारो भारत दौऱ्यावर आले होते. दोघांमधील संबंध बऱ्यापैकी चांगले असल्याचं मानलं जातात.

हैदराबाद हाऊसमध्ये झालेल्या बैठकीनंतर बांगलादेशच्या पंतप्रधान शेख हसीना यांच्यासोबत घेतलेल्या भेटीदरम्यानचा फोटो आहे. मोदींनी बांग्लादेशांच्या पंतप्रधानांची भेट घेतल्यानंतर दोन्ही देशांमधील संबंध आणि व्यवसाय खूप चांगल्या पद्धतीनं सुधारल्याचं म्हटलं जात आहे.

न्यूयॉर्कमध्ये झालेल्या बैठकीनंतर ईराणचे राष्ट्रपती हसन रोहानी आणि पंतप्रधान नरेंद्र मोदींचा हा फोटो आहे. यावेळी दोन देशांमध्ये अनेक करांरही झाले. अमेरिका आणि इराणमध्ये सुरू असलेल्या तणावाचा परिणाही या भेटीदरम्यान जाणवल्याचं सांगितलं जात.

PM मोदी आणि इस्रायलचे पंतप्रधान बेंजामिन नेतान्याहू यांच्यात चांगले संबंध प्रस्थापित केले आहेत. 2017 मध्ये इस्रायला भेट देणारे नरेंद्र मोदी पहिले भारतीय पंतप्रधान असल्याचीही चर्चा होती. या भेटीनंतर इस्रायल आणि भारतामध्ये संरक्षणासंदर्भात खूप चांगले करारही झाले.

PM मोदी दिल्लीतील हैदराबाद हाऊसमध्ये म्यानमारचे राष्ट्रपती यू विन मिन्त यांची भेट घेतानाचा हा फोटो आहे. 27 फेब्रुवारी 2020 रोजी म्यानमारच्या राष्ट्रापतींनी भारत दौरा केला होता. त्यावेळी मोदींनी घेतलेल्या भेटीदरम्यानचा हा खास फोटो.

सौदी अरब आणि भारताचे तसे संबंध चांगले आणि पंतप्रधान मोदींनी ते आणखीन घनिष्ट करण्यासाठी प्रयत्न केले. क्राऊन प्रिन्स मोहम्मद बिन सलमान यांची पंतप्रधान मोदींनी अनेकवेळा भेट घेतली आहे. यावेळी दोन देशांमधील महत्त्वपूर्ण करार आणि नातेसंबंध अधिक दृढ करण्याबाबत योजनांवर चर्चाही झाल्याचे समजते आहे.

जर्मन चान्सलर एन्जेला मर्केल यांचीही पंतप्रधान मोदींनी परदेश दौऱ्यादरम्यान बऱ्याचवेळा भेट घेतली आहे. 1 नोव्हेंबर 2019 रोजी झालेल्या भेटीदरम्यानचा हा खास फोटो आहे.

ब्रिटनचे पंतप्रधान बोरिस जॉन्सन यांच्यासोबत पंतप्रधान मोदींचे मैत्रीपूर्ण संबंध आहेत. जॉन्सन हे पंतप्रधान नरेंद्र मोदींचं नेहमी तोंडभरून कौतुक देखील करत असल्याचं पाहायला मिळतं.(फोटो- PTI)