जुनी 83 लाखात, नव्यासाठी 1272 कोटी; आता जुन्या संसद भवनाचं काय करणार?

पंतप्रधान नरेंद्र मोदी 28 मे रोजी नवीन संसद भवनाचं उद्घाटन करणार आहेत. नवीन संसद भवन 28 मे पासून सुरू होईल. यासाठी 1272 कोटींचा खर्च आल्याचं सांगितलं जात आहे. अत्यंत भव्य आणि देदीप्यमान अशी ही इमारत उभी करण्यात आली आहे. याचे इनसाइड फोटो उद्घाटन सोहळ्याआधी समोर आले आहेत.

अत्याधुनिक सुविधा आणि आमदार खासदारांसाठी यामध्ये विशेष सुविधा देण्यात आल्या आहेत. भविष्यातली गरज ओळखून हे संसद भवन उभारण्यात आलं आहे.

आता नवीन संसद भवन तर चालू होईल पण 1921 ते 1927 या कालावधीमध्ये 83 लाख रुपये खर्च करुन बांधलेल्या जुन्या संसद भवनाचं काय होणार? ते बंद राहणार का की तिथे अजून काही नवीन सुरू होणार असा अनेकांना प्रश्न पडला आहे. याचं उत्तर आम्ही तुम्हाला सांगणार आहोत.

जुन्या संसद भवनात सांस्कृतिक कार्यक्रमांचं आयोजन करण्यात येईल. याशिवाय ते म्युझियम म्हणून जपून ठेवण्यात येईल. नव्या पिढीला इथे कशा पद्धतीनं कामकागज चालतं ते दाखवलं जाईल.

लोकसभा स्पीकर ओम बिर्ला यांनी सांगितलं की जुन्या संसद भवनाला 93 वर्ष पूर्ण झाली. हे संसद भवन खास ऐतिहासिक क्षणांचा साक्षीदार आहे. भारताला स्वातंत्र्य मिळालं त्यानंतरच्या महत्त्वाच्या घटना या संसद भवनाने पाहिल्या आहेत.

जुन्या संसद भवनाचा पाया 12 फेब्रुवारी 1921 मध्ये घातला होता. ते उभारण्यासाठी 5 वर्ष लागली 27 साली काम पूर्ण झालं आणि त्यासाठी 83 लाख रुपयांचा खर्चही आला होता.

उद्घाटन सोहळ्याआधी पंतप्रधान नरेंद्र मोदी यांनी पाहणी केली.