म्हणे किल्ल्याच्या भिंतीला स्पर्श होताच लोखंडाचं होतं सोनं, पाहा अद्भुत आणि ऐतिहासिक PHOTOs

मध्यप्रदेशातील गुनाजवळ आरोन रोडवर असणारा हा किल्ला प्राचीन आहे. झारकोन नावानेदेखील हा किल्ला ओळखला जातो. इथे तोफखाना, रंगमहाल आणि मोती महालदेखील आहे. आज हा किल्ला पूर्णतः नष्ट झाल्यात जमा आहे. मात्र तरीही इथलं वैभव पाहून लोक अचंबित होतात.

पुरातत्व विभागानं दोन वर्षांपूर्वीच इथला जीर्णोद्धार सुरु केला होता. मात्र सध्या हे काम थांबवण्यात आलं आहे. आतापर्यंत या किल्ल्याच्या जीर्णोद्धारावर जवळपास 3 कोटी रुपये खर्च करण्यात आला आहे. किल्ल्याच्या एका बाजूने नदी वाहते, तर दुसऱ्या बाजूला डोंगर आहे.

या किल्ल्याबाबत आतापर्यंत अनेक अफवा पसरल्या आहेत. या किल्ल्याच्या भिंतीला एका माणसाने लोखंड लावलं आणि त्याचं सोनं झालं, ही अफवा गेल्या अनेक वर्षांपासून या भागात प्रसिद्ध आहे. त्यामुळे अनेकजण आपल्याला हा दगड मिळावा, या मोहापायी इथल्या भिंतीतील दगड पळवून नेत असल्याचं चित्र आहे.

बजरंगगडापाशी आणखी दोन पुरातन वास्तू आहेत. त्यांचा उपयोग शिकार करण्यासाठी आणि परिसरावर लक्ष ठेवण्यासाठी केला जात असे. 50 वर्षांपूर्वी या भागात घनदाट जंगल होतं. 1710 ते 1720 या कालावधीत हा किल्ला बांधण्यात आला.