मोदींच्या मंत्रिमंडळात नव्या 7 महिला खासदार, Handloom Sarees मधील 'वूमन पॉवर'चे PHOTOS

नव्या मंत्रिमंडळात मोदींनी नव्या 7 महिला खासदारांना स्थान दिलं आहे. बुधवारी राष्ट्रपती भवन येथे या शपथविधी सोहळा पार पडला. या शपथविधी सोहळ्याचे फोटो व्हायरल होत आहे. त्यातच एक मंत्रिमंडळातील महिला खासदारांचा फोटोही व्हायरल झाला आहे.

निर्मला सीतारमण यांनी एक फोटो शेअर केला आहे. या फोटोत सर्व महिला खासदार दिसत असून सर्वांनी सुंदर वेगवेगळ्या प्रकारच्या हातमाग साडी (Handloom Sarees) परिधान केलेली दिसून येत आहे. या फोटोत निर्मला सीतारमण, स्मृती इराणी, दर्शना जरदोष, प्रतिमा भौमिक, शोभा करंडलाजे, डॉ भारती प्रवीण पवार, मीनाक्षी लेखी, अनुप्रिया पटेल आणि अन्नपूर्णा देवी आहेत.

फोटोमध्ये गुजरातच्या सूरत येथील खासदार दर्शना जरदोश यांनी निळ्या रंगाची गुजराती पद्धतीनं साडी नेसली आहे.

त्यांच्या बाजूलाच उभ्या असलेल्या प्रतिमा भौमिक यांनी साधी सिम्पल अशी पिवळ्या रंगाची साडी नेसली असून त्या साडीला लाल रंगाची बॉर्डर आहे.

शोधा करंडलाजे यांनी ग्रे रंगाची ज्याला पिंक रंगाची बॉर्डर असलेली सिल्क साडी परिधान केली आहे.

मिनाश्री लेखी यांनी पिंक रंगाची गडवाल साडी परिधान केली असून त्यावर ब्लू रंगाची बॉर्डर आहे. भारती पवार यांनी साधी क्रिम रंगाची साडी परिधान केली आहे. स्मृती इराणी यांनी एम्बोरेडरी केलेली चंदेरी हँडलूम साडी नेसली आहे.

अनुप्रिया पटेल यांनी पिवळ्या रंगाची साडी नेसली आहे.

अनुप्रिया देवी यांनी पोल्का डॉट असलेली मधुबनी साडी परिधान केली आहे.