न्युझीलंडमध्ये गोळीबार; 'या' व्यक्तीनं हिसकावली दहशतवाद्याकडून बंदुक

न्युझीलंडमधील ख्राइस्टचर्च येथे झालेल्या गोळीबारात 49 जणांना आपला जीव गमवावा लागला. बेछुट गोळीबार करत दहशतवाद्यानं लहान मुलं, वुद्धांना देखील लक्ष्य केलं.

त्यानंतर अनवर अलसलेह या तरूणानं बाथरूमध्ये लपून पोलिसांना फोन करून हल्ल्ल्याबाबतची माहिती दिली. गोळीबार झाला तेव्हा अनवर नमाज अदा करण्यासाठी आले होते.

यावेळी लोकांनी दहशतवाद्याकडे जीवाची भीक मागितली. पण, निर्दयी दहशतवाद्याला मात्र दया आली नाही.

नमाज पठण सुरू असताना हा गोळीबार करण्यात आलाय. प्रत्यक्षदर्शी सैय्यद मजहरूद्दीन यांनी याबाबतची माहिती दिली.

यावेळी एका तरूणानं दहशतवाद्याचं लक्ष नाही असं पाहून हल्लेखोराकडची बंदुक धक्का मारून काढून घेतली. त्यानंतर हल्लेखोर घटनास्थळावरून पळून गेला.