15 August: लाल चौक ते लाल किल्ला, मेजर श्वेता पांडेय करणार PM मोदींना ध्वजारोहणासाठी मदत!

देशभर कोरोनाचा साथ असल्याने यावर्षीचा स्वातंत्र्य दिवस अनेक अर्थाने खास आहे. अतिशय मोजक्या लोकांच्या उपस्थितीत हा कार्यक्रम होणार असून पंतप्रधानांना ध्वजारोहणासाठी मदत करण्याचा मान मेजर श्वेता पांडेय यांना मिळाला आहे.

मेजर पांडेय यांना रशियाची राजधानी मॉस्कोमध्ये झालेल्या भव्य परेडमध्ये भारतीय पथकाचं नेतृत्व करण्याचा मान मिळाला होता.

या परेडमध्ये भारताचा राष्ट्रध्वज घेऊन त्यांनी नेतृत्व केलं होतं.

2012 मध्ये त्यांनी लष्करात प्रवेश केला होता. त्यानंतर त्यांनी मिळालेल्या प्रत्येक संधीचं सोनं केलं.

मॉस्कोच्या लाल चौकातली परेड ते दिल्लीच्या लाल किल्ल्यावरचा 15 ऑगस्टचा मुख्य कार्यक्रम हा त्यांचा मोठा प्रवास आहे.

लाल किल्ल्यावर गार्ड ऑफ ऑनर देणारे सर्व जवान गेल्या काही दिवसांपासून क्वारंटाइनमध्येच राहित होते.

तर गार्ड ऑफ ऑनरचं नेतृत्व कर्नल गौरव एस. येवॉल्कर हे करणार आहेत.