निवडणुकीच्या पाचव्या टप्प्यातले उमेदवार करोडपती तरीही गरीब!

लोकसभेच्या निवडणुकीचे पाच टप्पे पूर्ण झाले आहेत. मोठं मतदान पार पडलंय. आता फक्त 118 जागेंचं मतदान बाकी आहे. या पाचही टप्प्यात 60 टक्क्यांच्यावर मतदान झालंय. त्यामुळे सगळ्याचं राजकीय पक्षांची चिंता वाढली आहे. या निवडणुकीत सर्वच पक्षांचे उमेदवार कोट्यधीश होते असं आढळून आलंय.

11 एप्रिलला पहिल्या टप्प्याचं मतदान झालं. यात 20 राज्यातल्या 91 जागांचा समावेश होता. यात महाराष्ट्रातल्या 7 जागांचा समावेश होता. या पहिल्या टप्प्यात एकूण 32 टक्के उमेदवार करोडपती होते तर त्यांची सरासरी संपत्ती होती 6.63 कोटी.

दुसऱ्या टप्प्याचं 18 एप्रिलला मतदान झालं. यात 13 राज्यांमधल्या 97 जागांचा समावेश होता. यात महाराष्ट्रातल्या 10 जागांचा समावेश होता. या दुसऱ्या टप्प्यात एकूण 27 टक्के उमेदवार कोट्यधीश होते. तर त्यांची सरासरी संपत्ती होती 3.90 कोटी.

23 एप्रिलला तिसऱ्या टप्प्याचं मतदान झालं. यात 14 राज्यातल्या 115 जागांचा समावेश होता. यात महाराष्ट्रातल्या 14 जागांचा समावेश होता. या तिसऱ्या टप्प्यात एकूण 25 टक्के उमेदवार करोडपती होते तर त्यांची सरासरी संपत्ती होती 2.95 कोटी. या टप्प्यात सर्वात जास्त जागांचा समावेश होता.

29 एप्रिलला चौथ्या टप्प्याचं मतदान झालं. यात 9 राज्यातल्या 71 जागांचा समावेश होता. यात महाराष्ट्रातल्या 17 जागांचा समावेश होता. या तिसऱ्या टप्प्यात एकूण 33 टक्के उमेदवार करोडपती होते तर त्यांची सरासरी संपत्ती होती 4.53 कोटी. महाष्ट्रातल्या एकूण 48 जागांचं या चार टप्प्यात मतदान पूर्ण झालं.

6 मे रोजी पाचव्या टप्प्याचं मतदान झालं. यात 7 राज्यातल्या 51 जागांचा समावेश होता. या पाचव्या टप्प्यात एकूण 28 टक्के उमेदवार करोडपती होते तर त्यांची सरासरी संपत्ती होती 2.57 कोटी. आत्तापर्यंत झालेल्या सर्व टप्प्यांमध्ये या पाचव्या टप्प्यांमधल्या उमेदवारांची संपत्ती सर्वात कमी आहे तर पहिल्या टप्प्यातल्या उमेदवारांची संपत्ती सर्वात जास्त होती.