दिवाळीबद्दल वक्तव्य केलेल्या धडाकेबाज महिला IAS अधिकाऱ्यावर कंगनाचं टीकास्त्र

धडाकेबाज महिला आयपीएस अधिकारी डी.रुपा मुद्दल पुन्हा एकदा चर्चेत आल्या आहे. यावेळी अभिनेत्री कंगना रणौतने त्यांच्यावर निशाणा साधला आहे. कोरोनामुळ दिवाळीत फटाके न फोडण्याचं आवाहन अनेकांकडून केलं जात होतं. दरम्यान महिला आयपीएस अधिकाऱ्यांनीही दिवाळीच्या फटाके उडविण्याबाबत केलेल्या वक्तव्यावर कंगणाने तीव्र प्रतिक्रिया दिली आहे.

डी. रुपा या कर्नाटकच्या दावनगेरे येथील राहणाऱ्या असून त्यांनी कर्नाटकातून आपलं शिक्षण पूर्ण केलं आणि युपीएसईची तयारी सुरु केली.

14 नोव्हेंबरच्या एका पोस्टमध्ये अधिकारी रुपा यांनी फटाक्यांबाबत आपलं मत व्यक्त केलं. कोरोना पाहता केवळ एका वर्षासाठी बंगळुरुत फटाक्यांवर बंदी आणण्यात आली आहे. आपण एक वर्षही स्वत:ला रोखू शकत नाही? आपण इतके उथळ आहोत की आपला आनंद केवळ फटाक्यांवर अवलंबून आहे.

त्यांच्या या वक्तव्यानंतर सोशल मीडियावर त्यांना ट्रोल केलं जात आहे. अनेकजण #ShameOnIPSRoopa हॅशटॅग करीत आहेत

2000 मध्ये डी. रुपा UPSC ची परीक्षा उत्तीर्ण झाल्या आणि आयपीएस क्षेत्र निवडलं.

रुपा यांचे पतीही आयपीएस अधिकारी आहेत.2003 मध्ये त्यांनी मुनीष मुद्गल यांच्याशी लग्न केलं. त्यांना दोन मुलंही आहेत. त्या दोघांची नावं अनागा आणि रोषिल अशी आहेत.

भाजपा नेत्या उमा भारती या मध्य प्रदेशच्या मुख्यमंत्री असताना डी. रुपा यांनी त्यांना अटक केली होती.

कंगना रणौत हिने ट्विट करुन तिच्यावर निशाणा साधला आहे. अशा अधिकाऱ्यांवर कारवाई करण्याची मागणी कंगनाने केली आहे