मोसमातील पहिली बर्फवृष्टी; उत्तराखंड, जम्मू-काश्मीर, हिमाचल प्रदेशात बर्फाची चादर

अनेक भागात सोमवारी झालेल्या बर्फवृष्टीनंतर उत्तर भारतात थंडी वाढली आहे.

केदारनाथ, बद्रीनाथ, गंगोत्री, यमुनोत्री, हरसिलसह सर्व उंचावरील भागात रविवारी रात्रीपासूनच बर्फवृष्टी सुरू झाली. सोमवारी सकाळपर्यंत बर्फाची मोठी चादर पसरली होती.

उत्तराखंडच्या उंच हिमालयीन भागात, या मोसमातील पहिली बर्फवृष्टी झाली, त्यानंतर राज्यात थंडी वाढली आहे.

जवाहर टनलजवळ बर्फवृष्टी आणि अनेक ठिकाणी भूस्खलन झाल्याने जम्मू-काश्मीर राष्ट्रीय महामार्ग सोमवारी बंद करण्यात आला.

हिमाचल प्रदेशातील लाहौल स्पीतिमध्ये बर्फवृष्टी...

हिमाचल प्रदेशातील कुल्लू जिल्ह्यातही सोमवारी बर्फवृष्टी झाली.

उत्तराखंडच्या देहराडून, मसूरी तसंच इतर भागात रात्रभर पाऊस झाला. त्यामुळे थंडी वाढली आहे. पुढील एक-दोन दिवस बर्फवृष्टी सुरूच राहणार असल्याची शक्यता हवामन विभागाने वर्तवली आहे.