Pulwama Terror Attack- घरातील कमावता एकुलता एक मुलगा शहीद

जम्मू- काश्मीर येथील पुलवामामध्ये गुरुवारी दुपारी भारतीय जवानांच्या ताफ्यावर आत्मघातकी हल्ला केला. या हल्ल्यात ४४ जवान शहीद झाले. एका क्षणात ४० घरात दुःखाचं सावट पसरलं. अजूनही त्या प्रत्येक घरातील रडण्याच्या आणि हुंदक्यांच्या आवाजानी नातेवाईकांचं मन गहिवरून जात आहे.

या दहशतवादी हल्ल्यात उत्तर प्रदेश येथील उन्नावचे जवान अजीत कुमार आझाद शहीद झाले. अजीत हा भावंडांमध्ये सर्वात मोठे होते. घरातील कर्ता पुरूष अजीत असल्यामुळे कुटुंबाची सर्व जबाबदारी त्यांच्यावर होती. यामुळेच अजीत सीआरपीएफमध्ये भरती झाले होते.

यावेळी अजीत यांची ड्यूटी श्रीनगरमध्ये होती. जम्मू- काश्मीर येथील पुलवमाच्या अवंतीपुरा येथे सीआरपीएफ जवानांवर झालेल्या आत्मघातकी हल्यात अजीत यांना वीर मरण आले. शहीद जवान अजीत उन्नाव येथील लोक नगरचा नागरिक होते. सीआरपीएफच्या २१ बटालियनमध्ये तैनात होते.

गुरुवारी रात्री ९ वाजण्याच्या सुमारास सीआरपीएफच्या अधिकाऱ्यांकडून अजीतच्या घरी त्यांच्या मृत्यूची बातमी कळवण्यात आली. ही दुःखद बातमी कळताच अजीतच्या घरात शोककळा पसरली. अगदी थोड्याच वेळात अजीतच्या घरी पूर्ण गाव गोळा झालं.

शहीद अजीत यांना दोन मुलं आहेत. त्यांच्या घरात कमवते ते एकटेच होते. अचानक मुलाच्या जाण्याने अजीत यांचे आई- बाबा पूरते कोलमडून पडले आहेत. गावातील लोकांनी अजीत फार शूर होता आणि मनमिळाऊ होता असे सांगितले. तर गावात सध्या फक्त अजीतच्या शौर्याचीच चर्चा सुरू आहे.

जम्मू- काश्मीर येथील पुलवामामध्ये गुरुवारी दुपारी भारतीय जवानांच्या ताफ्यावर आत्मघातकी हल्ला केला. २५०० जवांनाचा ताफा पुलवामा जिल्ह्यातील श्रीनगर- जम्मू राजमार्गावरून जात होता.

यावेळी सुमारे १०० किलो स्फोटकांनी भरलेली गाडी बस जवळ येताच त्याचा स्फोट करण्यात आला. यात ४४ जवानांचा जागीच मृत्यू झाला.