देशभरातील जैन समाज ज्यासाठी रस्त्यावर उतरलाय; ते समेद शिखरजी काय आहे?

झारखंडमधील गिरिडीह येथील समेद शिखरजीला पर्यटन स्थळ करण्याची अधिसूचना जारी केल्यानंतर जैन समाजाचे लोक रस्त्यावर उतरले आहेत. समेद शिखरजी हे आपले पवित्र तीर्थक्षेत्र असल्याचे सांगून जैन समाजातील लोक विरोध करत असून ते जतन करण्याची मागणी करत आहेत. या विरोधात देशभरातील जैन समाज रस्त्यावर उतरला आहे.

जैन धर्मीयांचेही म्हणणे आहे की, जर याला पर्यटन क्षेत्र बनवले तर पर्यटकांच्या येण्याने येथे मांसाहार आणि दारूचे सेवनही होईल. पवित्र तीर्थक्षेत्र परिसरात अहिंसावादी जैन समाजासाठी अशी कृत्ये असह्य आहेत. सरकारने जारी केलेल्या अधिसूचनेत मत्स्य आणि कुक्कुटपालनालाही परवानगी देण्यात आली आहे. लघुउद्योगांना चालना देण्याबाबतही चर्चा झाली आहे. पारसनाथ टेकडी हे जैनांचे तीर्थक्षेत्र मानले जाते, असे या पत्रात लिहिले आहे.

जैन धर्मात समेद शिखरजींबद्दल अशी श्रद्धा आहे की ज्याप्रमाणे गंगेत स्नान केल्याने सर्व पापे धुतली जातात, त्याचप्रमाणे त्यांची पूजा केल्याने सर्व पापे नष्ट होतात. जैन समाजाचे लोक समेद शिखरजी येथे 27 किलोमीटरच्या परिघात पसरलेल्या मंदिरांना भेट देतात आणि प्रार्थना करतात. जैन धर्माचे लोक पूजेनंतरच अन्नसेवन करतात.

समेद शिखरजींच्या या परिसराचा प्रत्येक कण पवित्र आणि पूजनीय आहे, अशी जैन समाजाची श्रद्धा आहे. या प्रदेशातून लाखो जैन मुनींनी मोक्ष मिळवला आहे.

सरकारने इतर धर्मीयांच्या तीर्थस्थळांचे जसं संरक्षण केले आहे, त्याचप्रमाणे समेद शिखरजींनाही संरक्षण मिळावे, अशी मागणी जैन समाजातील लोक करत आहेत. सम्मेद शिखरजींनाही केवळ धार्मिक तीर्थक्षेत्र म्हणून मान्यता द्यावी.