Jagannath Rath Yatra 2020: जल्लोषात निघाली जगन्नाथ रथ यात्रा, पाहा तयारीचे विलोभनीय PHOTOS

मंगळवारी सर्वोच्च न्यायालयाने (Supreme Court) परवानगी दिल्यानंतर ओडिशाच्या पुरी इथे भगवान जगन्नाथ यांची रथ यात्रा (Jagannath Rath Yatra) काढली गेली.

यासाठी मर्यादित लोकांमध्येही जय्यत तयारी करण्यात आली. याचे काही फोटो समोर आले आहेत.

सगळ्यात प्रसिद्ध या यात्रेचे फोटो पाहून मन आनंदी झाल्याशिवाय राहणार नाही.

सुरुवातील सुप्रीम कोर्टाने परवानगी दिली नव्हती पण त्यानंतर आदेश बदलून कोरोना साथीचा (Covid-19 Pandemic) वाढता प्रकोप पाहता भाविक या रथयात्रेमध्ये भाग घेऊ शकणार नाहीत असं कोर्टानं म्हटलं आहे. त्यानुसार कमी लोकांमध्ये यात्रेची तयारी सुरू करण्यात आली. तुम्ही फोटोमध्ये पाहू शकता कशा प्रकारे नियमांचं पालन केलं गेलं आहे.

यात्रेदरम्यान कोर्टाने ओडिशा सरकारला पुरी इथे कर्फ्यू लावण्याचेही निर्देश दिले आहेत. तसंच, 500 पेक्षा जास्त लोकांना रथ ओढू नका, रथ ओढणार्‍या सर्व लोकांची कोरोना टेस्ट झाली पाहिजे आणि सामाजिक अंतर पाळले पाहिजे अशा सूचना दिल्या आहेत.

सूर्यग्रहण झाल्यानंतर दोन दिवसांनीच रथ यात्रा निघाली हा योगायोग आहे.

तब्बल 5130 वर्षांपूर्वी सूर्यग्रहण झालं तेव्हा भगवान कृष्ण, भलराम आणि सुभद्रा यांच्यासमवेत कुरुक्षेत्रला गेले आणि त्यानंतर वृंदावन लोकांनी त्यांना रोखलं आणि सांगितलं की तुम्ही आमच्याबरोबर वृंदावनला चला.

यानुसार, त्यांनी तीन रथ तयार केले आणि तिघांनाही वृंदावन घेऊन गेले. तेव्हापासून ही रथयात्रा सुरू झाली असं इस्कॉनचे राधाश्रमदास यांनी सांगितलं आहे.

सकाळी भगवान जगन्नाथ, बलभद्र आणि सुभद्रा देवी यांना मंदिरातून रथामध्ये विराजित केलं गेलं.

पूजा झाल्यानंतर पुरीच्या गजपती महाराजांनी सोन्याच्या झाडूने भगवान जगन्नाथाचा रथ स्वच्छ केला. मंदिरातील सर्व सेवकांची कोरोना टेस्ट करण्यात आली आहे.