#PulwamaAttack: शहीद अश्विनी म्हणाले होते, 'बाबा, आलो तर तिरंग्यात लपेटून येईन'

जम्मू-कश्मीर, 16 फेब्रुवारी : जम्मू काश्मिरच्या पुलवामा जिल्ह्यामध्ये झालेल्या दहशतवादी हल्ल्यामध्ये सीआरपीएफच्या ताफ्यावर हल्ला करत 42 जवान शहीद झाले. यामध्ये मध्य प्रदेशच्या जबलपूरमधील अश्विनी कुमार हे देखील शहीद झाले आहे. त्यांच्या पार्थिवावर अंत्यसंस्कार करण्यासाठी त्यांचे शव हे पैतृक गावी सिहोराला आणण्यात आलं आहे.

अश्विनी यांच्या गावी 'भारत माता की जय' आणि 'अश्विनी कुमार अमर रहें' असे नारे देत त्यांच्या अंत्यसंस्कारासाठी हजारोंनी गर्दी केली आहे.

झालेल्या हल्ल्याला सडेतोड उत्तर द्या अशी मागणी शहीद अश्विनी यांच्या वडिलांनी सरकारकडे केली आहे. अश्विनी यांच्या वडिलांचं नाव सुकरू प्रसाद आहे.

ते म्हणतात की, 'या दहशतवादी हल्ल्यामध्ये मी माझा मुलगा गमावला पण सरकारने त्याचा बदला घ्यावा. जसं त्यांनी केलं तसंच आपणही त्यांना उत्तर देऊ. आपले 4 केले आपण त्यांचे 10 घालवू' अशी संतप्त प्रतिक्रिया सुकरू यांनी व्यक्त केली आहे.

आपल्या शहीद मुलाच्या जाण्याचे दुख: व्यक्त करत ते पुढे म्हआपल्या शहीद मुलाच्या जाण्याचे दुख: व्यक्त करत ते पुढे म्हणाले की, 'अश्विनी जेव्हा सैन्यात गेला तेव्हा मी त्याला सांगितलं होतं की आपला धर्म कधी विसरू नको, कधीच पाठ दाखवू नको. तेव्हा तो म्हणायचा, बाबा मी आलो तर आपल्या भारताच्य़ा तिरंग्यामध्येच लपेटून येईन आणि तो खरच झेंड्यात लपेटून आला'णाले की, 'अश्विनी जेव्हा सैन्यात गेला तेव्हा मी त्याला सांगितलं होतं की आपला धर्म कधी विसरू नको, कधीच पाठ दाखवू नको. तेव्हा तो म्हणायचा, बाबा मी आलो तर आपल्या भारताच्य़ा तिरंग्यामध्येच लपेटून येईन आणि तो खरच झेंड्यात लपटून आला'

आपल्या मुलाच्या जाण्याने शहीद अश्विनी यांच्या आईचे अश्रू थांबत नाही आहेत. त्यांच्या जाण्याने संपूर्ण गाव शोकसागरात बुडाले आहेत.

शहीद अश्विनी यांचे भाऊ सुमंत लाल यांच्या म्हणण्यानुसार, 'अश्विन भाईशी कुटुंबातील एक लग्नात असताना बोलणं झालं होतं. तेव्हा त्यांनी सांगितलं की जम्मूला चाललो आहे'

'फक्त माझ्या अश्विनी भाईमध्ये नाही तर देशाच्या प्रत्येक जवानामध्ये ती ताकद आहे की ते देशाची सेवा करतील. पण ती ताकद या सरकारमध्ये नाही' असंही सुमंत लाल म्हणाले.

शहीद अश्विनी यांचं पार्थिवाचे अखेरचे दर्शन घेण्यासाठी गावकऱ्यांनी मोठी गर्दी केली आहे. या गावातील लोकांचं म्हणणं आहे की अश्विनी राहत असलेल्या गावातील तब्बल 40 लोक हे सैन्यात आहेत. हे शहीदांचं गाव आहे.