नवीन संसद भवनात मोदी ठेवणार ऐतिहासिक 'सेंगोल', पंडित नेहरू आणि चोल साम्राज्याशी आहे खास संबंध

हा ऐतिहास सेंगोल नेमका काय आहे? तो संसद भवनात का ठेवणार आहे आणि तामिळ चोल साम्राज्याशी त्याचा काय संबंध? हे आपण जाणून घेणार आहोत. सेंगोल हे हे ब्रिटिशांकडून भारतीयांना सत्तेच्या हस्तांतरणाचे प्रतीक आहे.

सेंगोल हा तमिळ भाषेतील 'सेम्मई' या शब्दापासून बनलेला शब्द आहे. धर्म, सत्य आणि निष्ठेचे हे प्रतिक आहे. सेंगोल राजदंड हे भारतीय सम्राटाच्या सामर्थ्याचे आणि अधिकाराचे प्रतीक होते.

चोल वंशात एका राजाकडून दुसऱ्या राजाकडे सत्ता सोपवताना शीर्ष पुरोहितांना आशीर्वाद दिले जात होते. चोल काळात राजाकडून त्याच्या उत्तराधिकारीकडे सेंगोलचे प्रतीकात्मक हस्तांतरण केले जात होते. सेंगोल हे अधिकार आणि शक्तीचे प्रतीक मानले जाते.

पंडीत जवाहरलाल नेहरू यांनी 14 ऑगस्ट 1947 रोजी रात्री 10.45 च्या सुमारास तामिळनाडूच्या जनतेकडून सेंगोलचा स्वीकार केला अशी माहिती शाह यांनी दिली. इंग्रजांकडून या देशातील जनतेकडे सत्ता हस्तांतरित होण्याचे ते लक्षण होते. ते अलाहाबाद येथील संग्रहालयात ठेवण्यात आले असून ते नवीन संसद भवनात हलविण्यात येणार असल्याचेही शाह म्हणाले.

अमित शाह म्हणाले की ज्याला सेंगोल दिले जाईल त्याच्याकडून न्याय्य आणि निष्पक्ष शासन सादर करण्याची अपेक्षा असते. भारताच्या स्वातंत्र्याच्या वेळी ही पवित्र सेंगोल प्राप्त झाल्याची घटना जगभरातील माध्यमांनी मोठ्या प्रमाणावर कव्हर केली होती.

भारताला सुवर्ण राजदंड मिळाल्यानंतर ही कलाकृती भव्य मिरवणूक काढून संविधान सभा सभागृहात नेण्यात आली होती. नवीन संसद भवनाच्या उद्घाटनापूर्वी पंतप्रधान मोदी हा सेंगोल स्वीकारतील आणि नवीन संसद भवनात तो स्पीकरच्या आसनाजवळ ठेवण्यात येईल.