Death of Sultan Bull: 'सुलतान'च्या स्पर्मची लाखों रुपयांत व्हायची विक्री, हार्ट अ‍ॅटकने मृत्यू

हरयाणातील कैथल जिल्ह्यातील हा रेडा 'नवाबी' आयुष्य जगला. अलीकडेच काही दिवसांपूर्वी त्याचे हृदयविकाराच्या झटक्याने त्यांचे निधन झाले. या रेड्याचं नाव 'सुलतान' असं होते. कैथलच्या बुडाखेडा गावातील सुलतान या रेड्याने केवळ कैथलच नव्हे तर संपूर्ण हरयाणाचे नाव रोशन केले. त्याचे मालक नरेश सांगतात की सुलतानप्रमाणे कोणीही नव्हते आणि कदाचित कोणीही नसेल.

सुलतानच्या वीर्यापासून लाखो रुपये कमावण्यात आले होते. तो एका वर्षात 30 हजार सीमेन डोस देत असे. ज्यातून आतापर्यंत लाखो रुपये मिळाले आहेत. 2013 मध्ये झालेल्या राष्ट्रीय पशु सौंदर्य स्पर्धेत झज्जर, कर्नाल आणि हिसारमध्ये सुलतान राष्ट्रीय विजेता देखील ठरला होता.

राजस्थानातील पुष्कर जत्रेत एका व्यक्तीने सुलतानवर 21 कोटी रुपयांची बोली लावली होती. पण नरेश यांनी त्यावेळी असं उत्तर दिलं होतं की, सुलतान हा त्याचा मुलगा आहे आणि मुलाची किंमत केली जात नाही. नरेश आणि त्याचे भाऊ सुलतानची स्वतःच्या मुलाप्रमाणे काळजी घेत असत.

नरेश यांनी सुलतानला लहानाचे मोठे केले होते. आज त्याच्या मृत्यूनंतर कुटुंबात दु:खाचं वातावरण आहे.

नरेश बेनीवाल यांनी सांगितले की, सुलतान सकाळच्या न्याहारीत देशी तुप आणि दूध प्यायचा. तो पंधरा किलो सफरचंदही खात असे

प्राण्याच्या मेळाव्यात सुलतानचा दबदबा असायच्या. त्याच्यामुळे नरेश यांच्या कुटुंबीयांना विशेष प्रसिद्धी मिळाली होती. त्याने अनेक स्पर्धा जिंकल्या होत्या. हरयाणातील एका म्युझिक अल्बममध्ये देखील सुलतानने काम केलं होतं.

नरेश यांच्या मते, सुलतानची कमतरता कुणीही पूर्ण करू शकणार नाही, पण त्याच्यासारखंच संगोपन इतर रेड्यांचं करण्याचा त्यांचा मानस आहे