विलक्षण! आईचं दूध पिणारं 9 महिन्यांचं वासरू स्वतः देऊ लागलं दूध, पाहा चमत्कारी वासराचे PHOTOs

गुजरातच्या भूजमध्ये राहणाऱ्या मालधारी परिवारात या आश्चर्यकारक वासराचा जन्म झाला आहे. हे वासरू केवळ 9 महिन्यांचं आहे. ते आईचं दूध पितं आणि स्वतःदेखील दूध देतं. वास्तविक, वासराचा जन्म झाल्यानंतर त्याच्या पोटी दुसरं वासरू जन्माला यायला किमान चार वर्ष जावी लागतात. त्यानंतर एक ते दीड वर्षं गायीचं दूध उत्तम दर्जाचं मानलं जातं.

मात्र भूजमधील गुराखी राशिद समा यांच्या गायीच्या पोटी जन्मलेलं वासरू सध्या 9 महिन्यांचं असून गेल्या दीड महिन्यांपासून ते दूध देत आहे.

मालधारी परिवाराकडे देशी कंकराज जातीच्या सुमारे 25 गायी आहेत. या वासराचं नाव काबर ठेवण्यात आलं आहे. त्याची आई सहा महिन्यांची गर्भवती आहे. हे वासरू कधी एक वाटी, तर कधी दोन वाटी दूध देतं.

या चमत्कारिक वासराला विकत घेण्यासाठी मालधारी परिवाराला काहींनी 70 हजार रुपयांची ऑफर दिली आहे. मात्र सध्या तरी वासरू विकण्यास त्यांनी नकार दिला आहे.

या वासराला पाहण्यासाठी सध्या मोठी गर्दी होत असून पशूचिकित्सकदेखील हा प्रकार पाहून हैराण झाले आहेत. गेल्या 60 वर्षांपासून पशूपालन करणारा मालधारी परिवारदेखील यामुळे आश्चर्यचकित झाला आहे.