केमिकल फॅक्टरीला भीषण आग, 1 किलोमीटर दुरून दिसताहेत आगीच्या ज्वाळा

गुजरातमधल्या वापी इथं केमिकल फॅक्टरीला भीषण आग लागली आहे. शनिवारी दुपारी ही आग लागली.

केमिकल असल्याने लाग लगेच भडकली आणि आगीने सर्व फॅक्टरीलाच आपल्या ज्वाळांनी घेरलं होतं. 1 किलोमिटर अंतरावरूनही आगीचा भडका दिसत आहे.

आग एवढी भीषण होती की धुराचे प्रचंड लोट आकाशात झेपावले होते. त्याचबरोबर आगीच्या ज्वाळाली भडकल्या होत्या.

जोराचा वारा असल्याने ही आग आणखीच भडकली. धुराच्या लोटांनी सगळं आकाश व्यापून घेतलं होतं.

ही फॅक्टरी ही वापीच्या एमआयडीसी भागात आहे. आजुबाजूला इतरही कारखाने असल्याने आग पसरू नये याची काळजी घेतली जात आहे.

आगीचं वृत्त कळताच फायर ब्रिगेडच्या 8 गाड्या घटनास्थळी पोहोचल्या असून आगीवर नियत्रंण मिळविण्याचा प्रयत्न करत आहेत.