Digital library ने केली नशेतून सुटका; लायब्रेरी मॅननं सावरलं व्यसनाधीन मुलांचं भविष्य

नुकत्याच सादर करण्यात आलेल्या केंद्रीय अर्थसंकल्पात अर्थमंत्री निर्मला सीतारमण यांनी सर्व राज्यांमध्ये डिजीटल लायब्रेरीसाठीही तरतूद केली आहे. पण त्याआधीच उत्तर प्रदेशच्या नोएडामधील लायब्रेरी मॅनने त्या दिशेने पाऊलही टाकलं.

नुकत्याच सादर करण्यात आलेल्या केंद्रीय अर्थसंकल्पात अर्थमंत्री निर्मला सीतारमण यांनी सर्व राज्यांमध्ये डिजीटल लायब्रेरीसाठीही तरतूद केली आहे. पण त्याआधीच उत्तर प्रदेशच्या नोएडामधील लायब्रेरी मॅनने त्या दिशेने पाऊलही टाकलं.

उत्तर प्रदेशच्या नोएडातील रामवीर तंवर जे लायब्रेरी मॅन म्हणून ओळखले जातात. गेल्या पाच वर्षांपासून ते प्रत्येक गावात डिजीटल लायब्रेरी सुरू करण्याचं काम करत आहेत.

त्यांनी गौतमनगर बुद्ध जिल्ह्यातील आपल्या झुंडपुरा गावात 2018 साली पहिली मोफत डिजीटल लायब्रेरी उघडली. हे ठिकाण एकेकाळी गावाजवळील वस्तीत राहणाऱ्या मुलांसाठी नशेचं केंद्र होतं.

ग्रामस्थांना लायब्रेरीचं महत्त्व समजावलं. त्यानंतर पैसे जमवून ही लायब्रेरी उभी केली. पुस्तकं, वायफाय, विजेचा खर्च, लॅपटॉप आणि मोबाईल फोनचा खर्च सर्व काही ग्रामस्थ पैसे जमवून करतात.

लहान मुलांसाठी ही लायब्रेरी मोफत आहेत. इथं 100 मुलं बसतील इतक्या सीट्स आहेत.

मुलांचं भविष्य खराब होताना पाहून या डिजीटल लायब्रेरीचा पाया रचला. आता प्रत्येक गावात लायब्रेरी उघडायची आहे, असं रामवीर तंवर म्हणाले.