राहुल गांधी यांचे कैलास मानसरोवर यात्रेतील फोटो पाहिलेत का?

काँग्रेसचे अध्यक्ष राहुल गांधी सध्या कैलास मानसरोवर यात्रेवर आहेत. राहुल त्यांच्या सोशल मीडिया अकाऊंटवरून त्यांच्या या यात्रेचे अपडेट देत असतात.

या यात्रेदरम्यानचे राहुल यांचे फोटो सध्या सोशल मीडियावर व्हायरल होत आहेत. लेखिका साध्वी खोसला यांनी राहुलसोबतचे यात्रेतले काही फोटो शेअर केले आहेत.

या फोटोंना कॅप्शन देताना साध्वी यांनी लिहिले की, ‘देव तुम्हाला भरभरून आशिर्वाद देवो. शंकराचा आशिर्वाद तुम्हाला विश प्राशन करण्याची ताकद देवो.’

राहुल गांधी यांना आतापर्यंत पांढऱ्या कुर्ता आणि पायजम्यामध्येच पाहण्यात आले आहे. मात्र या यात्रेत राहुल यांनी जीन्स, टी-शर्ट आणि स्पोर्ट्स शूजना प्राधान्य दिले.

एकीकडे राहुल गांधी यांच्या मानसरोवर यात्रेवर भाजप निशाणा साधत आहे तर दुसरीकडे सोशल मीडियावर त्यांना ट्रोलही करण्यात येत आहे.

राहुल खरंच मानसरोवरला यात्रेला गेले आहेत की इंटरनेटवरून त्यांचे फोटो डाऊनलोड करुन शेअर केले जात आहेत असा प्रश्न सातत्याने विचारला जात आहे.