लादेनचा खात्मा करण्यासाठी अमेरिकेनं वापरलेलं हेलिकॉप्टर आता भारताकडे

भारतीय वायु दलाच्या ताकदीमध्ये दिवसेंदिवस वाढ होताना दिसत आहे. कारण, वायु दलाच्या ताफ्यात आता पहिलं अपाची अटॅक हेलिकॉप्टर दाखल झालं आहे.

बोईंग कंपनीनं अपाची अटॅक हेलिकॉप्टर भारताच्या हवाली केले आहे. एकूण 22 हेलिकॉप्टर भारतीय हवाई दलाच्या ताफ्यात सहभागी होणार आहेत.

जगातील आक्रमक हेलिकॉप्टर म्हणून अपाची अटॅक हेलिकॉप्टर ओळखलं जातं. उंच डोंगररांगामध्ये या हेलिकॉप्टरचा वापर केला जातो.

हेलिकॉप्टर भारताच्या हवाली करताना भारतीय सेनेचे एअर मार्शल ए.एस. बुटेला, बोईंग आणि अमेरिकेचे प्रशासकीय अधिकारी देखील हजर होते.

2015मध्ये भारतीय वायुदलानं हा करार केला होता. दरम्यान, हेलिकॉप्टरच्या पायलट आणि क्रु मेंबरची ट्रेनिंग सध्या सुरू आहे.