40 लाख सब्सक्राइबर असलेल्या या यूट्यूबरने गुपचूप उरकले लग्न, मनोज डेची पत्नी कोण? PHOTOS

धनबाद : प्रसिद्ध यूट्यूबर मनोज डेने त्याची गर्लफ्रेंड ज्योती श्रीसोबत लग्नगाठ बांधली आहे. मनोज डेनी ज्योती श्रीसोबत एक व्हिडिओ आणि एक फोटो सोशल मीडियावर पोस्ट केला आहे.

सोशल मीडियावर शेअर केलेल्या फोटोमध्ये मनोज डे बंगाली लग्नाच्या पोशाखात दिसत आहेत. ज्यामध्ये त्याने डोक्यावर मुकुट घातला आहे. त्याचबरोबर ज्योतीने पारंपारिक साडी नेसली आहे. ज्योतीच्या कपाळावर कुंकू लावले आहे.

मिळालेल्या माहितीनुसार, 15 मार्च रोजी कोलकाताच्या प्रसिद्ध काली मंदिरात मनोज आणि ज्योतीचे लग्न झाले होते. दोघांनीही गुपचूप लग्न उरकले. त्याने हा फोटो सोशल मीडियावर शेअर केल्यानंतर लोकांना याची माहिती मिळाली.

दोघांच्या कुटुंबीयांनीही या लग्नात सहभाग घेतला नव्हता. दोघांनी प्रेमविवाह केला आहे. मात्र, दोघांच्या कुटुंबीयांचा विरोध होता.

मनोज डे आणि ज्योती श्री यांची जोडी यूट्यूबवर खूप प्रसिद्ध आहे. दोघांमध्ये बरेच दिवसांपासून रिलेशनमध्ये होते, अशी चर्चा त्यांच्या चाहत्यांमध्ये होती.

या दोघांच्या लग्नाची अनेक दिवसांपासून चर्चा होती. या चर्चेला आता पूर्णविराम मिळाला आहे. मनोज आणि ज्योती यांनी लग्नासाठी घरच्यांचे मन वळवण्याचा खूप प्रयत्न केला. पण ते मान्य करायला तयार होत नव्हते.

मनोज डे यांचे YouTube वर 40 लाख सदस्य आहेत आणि ज्योती श्रीचे YouTube वर 1.5 लाख सदस्य आहेत.