‘कोरोना’ने लावला ISROला ब्रेक, 'गगनयान' आणि 'चंद्रयान-3'ला होणार उशीर!

कोरोना साथीमुळे (Coronavirus Pandemic) देशाच्या महत्त्वाकांक्षी अंतराळ माहिमा गगनयान आणि चंद्रयान-3ला उशीर होण्याची शक्यता व्यक्त केली जात आहे.

‘गगनयान’ (Gaganyaan) या माहिमेत अंतराळवीरांना अवकाशात पाठविण्याची मोहिम भारताने आखली होती. त्या आधी दोन महिमा आखण्यात आल्या होत्या.

त्यात पहिल्या योजनेनुसार डिसेंबर 2020मध्ये मानव नसलेलं (Unmanned mission) यान पाठवलं जाणार होतं.

पण त्याला उशीर होणार असल्याचं आता स्पष्ट झालं आहे. ISROने त्याबाबतची माहिती दिली असं सूत्रांनी सांगितलं.

2022मध्ये देशाच्या स्वातंत्र्याला 75 वर्ष पूर्ण होणार आहेत. त्यानिमित्त 3 अंतराळवीरांच्या टीमला 5 ते 7 दिवसांसाठी अंतराळात पाठविण्याची भारती योजना होती. पंतप्रधान मोदींनी त्याची घोषणा केली होती.

कोरोनाचं संकट सर्व जगावरच असल्याने त्याचा परिणाम इस्रोच्या कामावरही झाला असून त्यामुळे नियोजित वेळेपेक्षा थोडा जास्त काळ जाण्याची शक्यता व्यक्त केली जात आहे.