दिल्‍लीचे उपमुख्यमंत्री मनिष सिसोदिया ICU मध्ये; काही दिवसांपूर्वी झाली होती कोरोनाची लागण

नवी दिल्ली. दिल्लीचे उपमुख्यमंत्री मनीष सिसोदिया यांना कोरोना व्हायरसची लागण झाल्याची माहिती समोर आली होती. त्यानंतर बुधवारी त्यांना लोकनायक जयप्रकाश रुग्णालयातील (LNJP Hospital) आयसीयूमध्ये भर्ती करण्यात आलं होतं. अधिकाऱ्यांनी सांगितले की आम आदमी पार्टी (AAP) चे 48 वर्षीय नेता मनीष सिसोदिया यांच्या शरीरातून ऑक्सीजनचा स्तर कमी झाला होता, त्याशिवाय ताप असल्याने सायंकाळी साधारण चार वाजता त्यांना लोकनायक जयप्रकाश रुग्णालयात दाखल करण्यात आलं. ते सध्या डॉक्टरांच्या निरीक्षणाखाली आहेत. (फाइल फोटो)

अन्य अधिकाऱ्यांनी सांगितले की, सिसोदिया यांना अधिक तपासणीसाठी रुग्णालयात दाखल करण्यात आलं आहे. त्याच्या शरीरातील तापमान वाढत होते शिवाय ऑक्सीजनचा स्तरही थोडा कमी झाला होता. (फाइल फोटो)

त्यांनी सांगितले की डॉक्टर त्यांच्यावर लक्ष ठेवून आहेत. डॉक्टरांचं म्हणणं आहे की सिसोदिया यांची प्रकृती स्थिर आहे. मात्र गरज पडल्यास ऑक्सिजन दिलं जाऊ शकतं. (फाइल फोटो)

उपमुख्यमंत्र्यांना 14 सप्टेंबर रोजी कोरोनाची लागण झाली होती. त्यानंतर ते होम आयसोलेशनमध्ये होते. संसर्ग असल्याने ते 14 सप्टेंबर रोजी दिल्ली विधानसभेच्या एक दिवसीय सत्रात सहभागी होऊ शकले नाही. बुधवारी त्यांनी ट्विट करीत कोंडलीचे आमदार कुलदीप कुमार यांच्या मुलीला वाढदिवसाच्या शुभेच्छा दिल्या. (फाइल फोटो)