'एक शूज घ्या आणि त्यावर Corona फ्री मिळवा', फेस्टिव्ह शॉपिंगचे पाहा हे PHOTO आणि काय म्हणायचं बोला

सणासुदीचे दिवस जवळ आले आहेत. मान्य आहे. पण Coronavirus चा धोका अजूनही संपलेला नाही. हे फोटो पाहून काय म्हणाल? कुठले आहेत पाहा ..

कोलकात्यातील एका प्रसिद्ध फूटवेअर स्टोअरमधले हे फोटो सध्या देशभर व्हायरल होत आहेत. दुर्गापूजा सणानिमित्त स्पेशल डिस्काउंट सुरू आहेत.

बंगालमध्ये दुर्गापूजेचा मोठा उत्सव असतो. पण पूजा शॉपिंगसाठी कोलकात्याची जनता Coronavirus ला विसरून बाहेर पडते आहे.

श्री लेदर्स नावाचं हे प्रसिद्ध चपलांच्या दुकानातली ही झुंबड भारतीय मानसिकता म्हणून व्हायरल झाली आहे.

एका शूजच्या खरेदीवर कोरोना फ्री, अशा अर्थाच्या कमेंट्स व्हायरल झालेल्या या फोटोंखाली लोक द्यायला लागली आहेत.

सोशल डिस्टन्सिंगचा पुरता फज्जा उडवत लोक सणाच्या खरेदीसाठी बायका-मुलांसह बाहेर पडली आहेत.

या गर्दीत कुणी एक असिम्प्टेमॅटिक कोरोनाग्रस्त असेल आणि त्याला पत्ताच नसेल तर काय होईल कल्पना करा...

कोरोनाचा धोका संपलेला नाही. उत्सव साधेपणाने साजरा करा, असं वारंवार सांगूनही लोक बाहेर पडत आहेत.

दोनच दिवसांपूर्वी पश्चिम बंगालमध्ये 24 तासांतले सर्वाधिक मृत्यू नोंदले गेले होते. तरीही लोकांना शहाणपणा येत नाही.

केरळमध्ये ओणमचा सण संपल्यानंतर राज्यातल्या कोरोनारुग्णांचं प्रमाण प्रचंड म्हणजे 750 टक्क्यांनी वाढलं होतं. हे उदाहरण देऊन आता बंगाली डॉक्टर जनजागृती करत आहेत. दुर्गापूजेनंतर बंगालची ही अवस्था झाली तर मोठा धोका निर्माण होईल.