Merry Christmas 2021: देशभरात सर्वत्र साजरा होतोय ख्रिसमसचा सण, पाहा PHOTOS

यावेळी कोरोनामुळं सरकारने ख्रिसमस आणि नववर्ष साजरे करण्यावर अनेक निर्बंध लादले आहेत. महाराष्ट्रात क्षमतेनुसार केवळ 50 टक्के लोकांनाच चर्चमध्ये प्रवेश दिला जात आहे.

कोरोना आणि ओमायक्रॉनचा प्रसार होण्याची भीती असल्यामुळं बृहन्मुंबई महानगरपालिका (BMC) आयुक्त इक्बाल सिंग चहल यांनी नागरिकांना ख्रिसमस सण आणि नवीन वर्षात मेळावे आणि पार्ट्या टाळण्याचे आवाहन केलेलं आहे. त्याचबरोबर या नियमांचं उल्लंघन करणाऱ्यांवर कठोर कारवाई करण्याचा इशाराही दिला आहे.

पश्चिम बंगालची राजधानी कोलकाता येथील सेंट तेरेसा चर्चमध्ये मध्यरात्री सामूहिक प्रार्थनेचे आयोजन करण्यात आले होते. यावेळी मोठ्या संख्येने लोक चर्चमध्ये पोहोचले. आजही सकाळपासूनही त्या ठिकाणी लोक येत आहेत.

हिमाचल प्रदेशातील ख्रिसमसच्या पूर्वसंध्येला धर्मशाला येथील सेंट जॉन ऑफ द वाइल्डनेस चर्चमध्ये परदेशी लोकांसह स्थानिक लोक प्रार्थना करतात. बेल्जियमच्या उच्च पदावरील अधिकाऱ्याने सांगितलं की, 'आम्ही आमच्या घरापासून खूप दूर आहोत आणि ख्रिसमस सण ख्रिश्चन धर्मियांसह याठिकाणी साजरा केल्याबद्दल खूप आभारी आहोत.'

पुद्दुचेरीतील वेगवेगळ्या चर्चमध्ये मध्यरात्री लोक प्रार्थनेसाठी उपस्थित होते. यावेळी कोरोनामुळं लोकांची गर्दी खूपच कमी होती.

ख्रिस्तीबहुल ईशान्य राज्य मिझोराममध्ये ख्रिसमसचे 150 वे वर्ष साजरे सुरू आहे. तब्बल एक वर्षानंतर राज्यात ख्रिसमस साजरा होत आहे. यावेळी कोविड-19 च्या पार्श्वभूमीवर हा सण साधेपणाने साजरा केला जाण्याची शक्यता आहे. चर्च आणि रस्त्यावर कॅरोल गाण्यास बंदी आहे.