धक्कादायक PHOTOS : मध्य प्रदेशच्या निवडणुकांसाठी महाराष्ट्रातून जातोय काळा पैसा?

महाराष्ट्राला खेटून असलेल्या मध्य प्रदेशात पुढच्या आठवड्यात निवडणुका आहेत आणि त्याच वेळी एक धक्कादायक वास्तव पुढे येतंय. मध्य प्रदेशच्या मार्गावर असणाऱ्या अडीच कोटींच्या कॅशची ही गोष्ट....

मध्य प्रदेश विधानसभेचे पडघम वाजायला लागले आहेत. डिसेंबरच्या पहिल्या आठवड्यात असलेल्या या निवडणुकांच्या प्रचाराची रणधुमाळी सुरू आहे.

महाराष्ट्रा बॉर्डरला खेटून असलेल्या बडवानी जिल्ह्यात अधिकाऱ्यांनी दीड कोटीची रोख रक्कम जप्त केली आहे.

एका इनोव्हा कारमध्ये २ बॅगांतून ही कॅश घेऊन जाण्यात येत होती, असं या अधिकाऱ्यांनी सांगितलं. खेतिया चेक पॉइंटजवळ ही कारवाई करण्यात आली आहे.

५०० आणि २००० च्या नोटांच्या स्वरूपात असलेली ही दीड कोटी रुपयांची रक्कम जप्त करण्यात आली असून इन्कम टॅक्स विभागाची टीम यासंदर्भात तपास करत आहे.

या संदर्भात माहिती देताना इनकम टॅक्सचे अधिकारी म्हणाले की, मध्य प्रदेशातल्या निवडणुकांच्या पार्श्वभूमीवर ही कॅश जप्त केली आहे. गाडीत असलेल्या दोघांना ताब्यात घेतलंय आणि अधिक तपास सुरू आहे.