10 नोव्हेंबर पुन्हा ठरणार का खास? तेजस्वींनी आजच्याच दिवशी केलं होतं धोनीच्या टीममधून पदार्पण

10 नोव्हेंबर हा दिवस आरजेडी नेता आणि महागठबंधनचे मुख्यमंत्रिपदाचे उमेदवार तेजस्वी यादव यांच्यासाठी खास आहे. 11 वर्षांपूर्वी त्यंनी फर्स्ट क्लास क्रिकेटमध्ये डेब्यू केला होता, आज त्यांच्याकडे अनेकजण भावी मुख्यमंत्री म्हणून पाहत आहेत. आजचा दिवस बिहार विधानसभा निवडणुकांच्या निकालाचा दिवस आहे. एनडीए आणि महागठबंधन यांच्यामध्ये सध्या 'काँटे की टक्कर' सुरू आहे. त्यामुळे आज तेजस्वी यादव यांचं मुख्यमंत्री होण्याचं स्वप्न पूर्ण होणार का याबाबत लवकरच खुलासा होणार आहे.

राजकारणात पाऊल टाकण्याआधी तेजस्वी यादव यांनी क्रिकेटपटू म्हणून ओळख मिळवली होती. दिल्ली डेअरडेव्हिल्स या टीमचा ते एक भाग होते. निवडणूक प्रचारातही ते बऱ्याचवेळा क्रिकेट खेळताना पाहायला मिळाले (फाइल फोटो सौजन्य-PTI)

तेजस्वी यादव यांनी 10 नोव्हेंबर 2009 मध्ये एमएस धोनीची टीम झारखंडमधून फर्स्ट क्लास क्रिकेटमध्ये डेब्यू केला होता. 10 ते 13 नोव्हेंबरपर्यंत त्यांनी रणजी ट्रॉफीच्या प्लेट लीगमध्ये विदर्भाविरोधात केवळ एक फर्स्ट क्लास सामना खेळळा होता. त्या सामन्यातील पहिल्या इनिंगमध्ये तेजस्वी यादव यांनी केवळ एक रन केला होता आणि LBW आऊट झाले होते.

गोलंदाजीमध्ये पहिल्या खेळीमध्ये त्यांनी 5 ओव्हरमध्ये 17 रन्स दिले होते, दुसऱ्या खेळीत तेजस्वी यादव यांनी 19 रन्स बनवल्या होत्या. याशिवाय तेजस्वी यादव यांनी दोन लिस्ट ए मॅच आणि 4 टी-20 सामने देखील खेळले आहेत. लिस्ट ए क्रिकेटमध्ये त्यांना विकेट मिळाली होती.

तेजस्वी यांनी 2010 मध्ये लिस्ट ए क्रिकेट आणि ऑक्टोबर 2009 मध्ये टी-20 फॉरमॅटमध्ये डेब्यू केला होता. मात्र दीर्घकाळासाठी त्यांचे क्रिकेटर करिअर चालले नाही (फाइल फोटो)