केरळमध्ये कसा झाला भयंकर विमान अपघात? घटनास्थळावरील EXCLUSIVE PHOTOS

'वंदे भारत मिशन'च्या अंतर्गत दुबईहून भारतात येणाऱ्या विमानाला केरळमध्ये मोठा अपघात झाला आहे.

हे विमान रनवे वरून घसरल्यानंतर विमानाचे दोन तुकडे झाले आहेत. या विमानात 170 प्रवासी होते.

दुबईहून हे विमान कोझीकोडला आलं होतं.

या दुर्घटनेत वैमानिकासह 3 जण ठार झाल्याचं वृत्त आहे. 32 जण जखमी झाले आहेत. त्यांना रुग्णालयात दाखल करण्यात येत आहे.

विमान धावपट्टीवर उतरत होतं, तेव्हा प्रचंड पाऊस सुरू होता. केरळमध्ये गेल्या 24 तासांत मुसळधार पाऊस सुरू आहे. धावपट्टीवरून विमान घसरलं असावं असा प्राथमिक अंदाज आहे.

NDRF च्या टीम विमानतळाकडे रवाना झाल्या आहेत. शेकडो अँब्युलन्सही अपघातस्थळी दिसत आहेत.

कोझिकोड विमानतळ हे टेबल टॉप एअरपोर्ट आहे. त्यामुळे इथे विमान उतरत असताना धावपट्टीवर खूपच काळजीपूर्वक उतरवावं लागतं. त्यात इथे पाऊस होता. त्यामुळे कदाचित पायलटला अंदाज आला नसावा. त्यामुळे 30 फूट खाली ते घसरलं आणि त्यातून हा अपघात झाल्याचा अंदाज व्यक्त करण्यात येत आहे.