कौतुकास्पद! जवानांच्या पुढाकाराने नवजात बाळ व आई सुखरुप घरी; VIDEO पाहून तुम्हीही कराल सॅल्यूट!

जम्मू-काश्मीरमधून एक सकारात्मक बातमी समोर आली आहे. भारतीय आर्मी सीमेवर स्वत:च्या जीवाची पर्वा न करता भारतीयाचं रक्षण करते. इतकच नाही तर अडचणीत सापडलेल्या भारतीयांसाठीही भारतीय आर्मी कायम पाठिशी उभी राहते हे या व्हिडीओमधून दिसून येते.

जम्मू काश्मीरमधील सोगम भागातील एका रुग्णालयात गर्भवती महिलेने एका गोंडस बाळाला जन्म दिला. घरातल्यांना याचा खूप आनंद झाला होता. दरम्यान गर्भवती महिलेला घरी पोहोचवायला जवानांनी खूप मदत केली.

जम्मू-काश्मीरमध्ये स्नो फॉल झाल्याकारणाने रस्त्यांवर बर्फ जमा झाला आहे. अशावेळी रुग्णालयातू महिलेच्या घरापर्यंत कोणतीही गाडी जाणं अवघड आहे. शिवाय प्रसुतीनंतर महिला अशक्त असल्याने ती हा प्रवास चालत करू शकत नव्हती.

अशावेळी भारतीय जवान महिलेला स्ट्रेचरवरुन तिच्या घरापर्यंत घेऊन गेले. 28RR च्या जवानांनी आई व नवजात बाळाला सुखरुप घरापर्यंत पोहोचवलं.

भारतीय जवानांनी केलेल्या या कामाचं स्थानिकांकडून खूप कौतुक केलं जात आहे. महिलेचा पती व त्यांच्या कुटुंबीयांनी भारतीय जवानांचे धन्यवाद व्यक्त केले. अशा कठीण प्रसंगात जवानांनी जे केलं ते खूप मोलाचं असल्याची भावना त्यांनी व्यक्त केली.