5 वर्षांच्या चिमुरड्यानं दिल्ली-बंगळुरू केला एकट्यानं प्रवास, 3 महिन्यांनी आईला पाहिलं पण...

लॉकडाऊनच्या दोन महिन्यानंतर आजपासून देशांतर्गत विमानसेवा सुरू झाली. ही सेवा मर्यादित स्वरुपाची आहे. देशातल्या काही निवडक विमानतळांवरूनच ही सेवा सुरू होणार आहे.

दरम्यान, आज दिल्लीहून बंगळुरूसाठी विमान रवाना झालं. यात 5 वर्षांच्या चिमुरड्यानं एकट्यानं प्रवास केला. विहान शर्मा असं या मुलाचं नाव असून तो दिल्लीमध्ये अडकला होता.

विहान तीन महिन्यांपासून दिल्लीत आपल्या आजी-आजोबांकडे होता. त्यामुळं घरी परतण्यासाठी त्याला एकट्यानं प्रवास करावा लागला.

5 वर्षांचा विहाननं दिल्लीहून बंगळुरूला पोहचला. विहानची आई त्याला विमानतळावर घेण्यासाठी आली होती. विहान आणि त्याची आई यांची तब्बल 3 महिन्यांनी भेट झाली. मात्र आईला नीट भेटता आलं नाही.

देशांतर्गत उड्डाण सेवा सुरू झाल्यानंतर आतापर्यंत दोन उड्डाणे कर्नाटकमधील आंतरराष्ट्रीय विमानतळावर दाखल झाली आहेत. त्यातील एक दिल्लीला आलं, यातून विहान घरी परतला.