बापरे! शाळेत घुसला 4 फूट लांब कोब्रा; पुढे काय झालं तुम्हीच पाहा

जगातील सर्वात विषारी सापांमध्ये गणला जाणारा कोब्रा साप एका शाळेत घुसला. 4 फूट लांब असलेल्या या कोब्राला पाहून लोकांची पळता भुई थोडी झाली. आरसी आरएस नावाच्या सर्पमित्रांच्या टीमने या विषारी सापाची सुखरुप सुटका केली आहे. ही घटना छत्तीसगड जिल्ह्यातील कोरबा जिल्ह्यातील एका सरकारी उच्च माध्यमिक शाळेतील आहे.

शाळेत कोब्रा शिरल्याची माहिती आरसीआरएस टीमचे प्रमुख अविनाश यादव यांना तातडीने देण्यात आली. त्यानंतर त्यांच्या टीममधील रघु, शंकर आणि प्रिया यांनी येवून या सापाला पकडलं आहे. त्यानंतर त्यांनी विषारी कोब्रा सापाची सुखरूप सुटका केली.

हा साप सुमारे 4 फूट लांबीचा होता. या सापाला 'रेप्टाइल केयर अँन्ड रेस्क्यूअर सोसायटी' च्या टीमने काळजीपूर्वक रेस्क्यु केलं आहे. त्यानंतर त्यांनी शाळेच्या परिसरात जमलेल्या लोकांना या सापाची सर्व माहिती दिली. हा स्पेक्टिकल कोब्रा असून हा पृथ्वीवरील सर्वात विषारी प्रजातीपैकी एक आहे.

हे सर्पमित्र वेळेत आल्याने या सापाला सुरक्षितपणे पकडण्यात आलं आहे. त्यानंतर या सापाला जंगलात सोडून देण्यात आलं. सापाला सुरक्षितपणे पकडल्यामुळे शाळेच्या आवारात राहणाऱ्या लोकांनी सुटकेचा निश्वास सोडला आहे. या टीमने आतापर्यंत जिल्हात दहा हजाराहून अधिक सापांना पकडून त्यांना सुरक्षितपणे जंगलात सोडलं आहे.