OMG : देशातील या रेल्वेलाईनजवळ उभी केली जातेय 200km ची भिंत, पाहा PHOTOS

धनबादच्या प्रधानखांता ते बिहारच्या औरंगाबाद जिल्ह्यातील बंधुआपर्यंतच्या रेल्वे मार्गाच्या दोन्ही बाजूंना भिंती उभारण्याचे काम सुरू झाले आहे. वास्तविक, हावडा ते नवी दिल्ली गाड्यांचा वेग ताशी 130 किमी झाला आहे. येत्या एक-दोन वर्षांत या मार्गावरील गाड्यांची कमाल वेग 160 किमी प्रतितास असेल. धनबाद रेल्वे विभागात प्रधानखंता ते बंधुआ या 200 किमी रेल्वे मार्गावर 160 किमीच्या वेगाने गाड्या धावतील. गाड्यांचा वेग वाढल्यानं अपघातमुक्त गाड्या धावता याव्यात यासाठी रेल्वे ट्रॅक सुरक्षित करणे आवश्यक आहे. त्यामुळेच या संपूर्ण रेल्वे मार्गावर ट्रॅकच्या दोन्ही बाजूला भिंत उभारण्यात येत आहे.

दरम्यान रेल्वे मार्गालगत शेकडो दुकानं, घरं, उंच इमारती येत असल्यानं त्यांनाही जागा खाली करण्याची नोटीस देण्यात आली आहे. प्रत्यक्षात ते रेल्वेच्या जमिनीवर उभे आहेत. याआधीही रेल्वेने अशा लोकांना नोटिसा बजावल्या होत्या, पण लोकांनी जागा रिकामी केली नव्हती. आता पुन्हा नव्याने नोटीस पाठवून स्वतःहून जागा रिकामी करण्याची मुदत देण्यात आली आहे. वेळेत जागा मोकळी न केल्यास बुलडोझरचाही वापर होऊ शकतो.

रेल्वेकडून मिळालेल्या माहितीनुसार धनबाद शहरातील रंगतांड ट्रॅक्शन कॉलनी ते भुली झोनल ट्रेनिंग स्कूलपर्यंत उंच भिंत उभारण्यात येणार आहे. त्यासाठी मोठ्या प्रमाणात आरपीएफ आणि अभियांत्रिकी विभागाच्या कर्मचाऱ्यांनी रेल्वे ट्रॅकच्या दोन्ही बाजूंच्या जमिनीचे मोजमाप सुरू केले आहे.

वासेपूर ते पांदरपाळा या रेल्वे मार्गाच्या दोन्ही बाजूंच्या अभियांत्रिकी विभागानं केलेल्या जमिनीच्या मोजमापात रेल्वेच्या जमिनीवर सुमारे 75 ते 80 घरं, दुकानं, इमारती उभारण्यात आल्याचे आढळून आले आहे. अशा सर्व लोकांना नोटीसचे स्मरणपत्र पाठवण्यात आले आहे. त्यानंतरही ही जागा मोकळी न झाल्यास रेल्वे आरपीएफ तैनात करून कारवाई सुरू करणार आहे.