नाशिकजवळील कळवण इथं एसटी बस आणि अॅपे रिक्षाचा विचित्र अपघात झाला आहे. अपघातानंतर बस आणि अॅपे रिक्षा थेट विहिरीत कोसळल्याची घडली आहे

अपघातानंतर घटनास्थळी अग्निशमन दल आणि पोलीस पोहोचले असून मदतकार्य सुरू आहे.

मालेगाव येथून धोबीघाट मेशीकडे जात असताना महाराष्ट्र परिवहन मंडळाच्या बसला अपघात झाला.

बसचं टायर फुटल्यामुळे बसने आधी रिक्षाला धडक दिली. ही धडक इतकी भीषण होती की, धडक दिल्यानंतर बसने रिक्षाला फरफटत नेत विहिरीत कोसळली.

धोबीघाटजवळील देश-विदेश हॉटेल जवळ हा अपघात झाला. बसमधील प्रवाशांना दुखापत झाली आहे.

घटनेची माहिती मिळताच अग्निशमन दल आणि पोलीस घटनास्थळी दाखल झाले आहे. बचाव कार्य सुरू आहे.

बसची मागील काच फोडून प्रवाशांना बाहेर काढलं जात आहे. या घटनेत कुणी दगावला का या बाबत अजून माहिती मिळाली नाही. बचाव कार्य सुरू आहे.

एसटी बस मधून काही प्रवाशांना बाहेर काढण्यात आलं आहे.

जखमी झालेल्या काही प्रवाशांना मालेगाव देवळा तर काहींना उमराणे येथे शासकीय रुग्णालयात दाखल करण्यात आले आहे.