Unlock 3.0 : ग्राहकांच्या स्वागतासाठी मॉल सज्ज, कशी राखली जातेय सुरक्षा पाहा PHOTOS

राज्यात कोरोना आणि लॉकडाऊनमुळे मार्चपासून मंदावलेला वेग आता हळूहळू पूर्वपदावर येत आहे. केंद्र सरकारनं 1 जूनपासून अनलॉक करण्यास सुरुवात केली असून त्याचा तिसरा टप्प्या राज्यात 5 ऑगस्टपासून सुरू होणार आहे.

अनलॉक 3.0 मध्ये मुंबईसह राज्यातील मॉल आणि जिम आणि योग सेंटर सुरू करण्यासाठी परवानगी देण्यात आली आहे. तिथे सोशल डिस्टन्सिंग आणि मास्क, सॅनिटायझेशन या सगळ्याचं पालन करणं गरजेचं आहे.

ग्राहकांना मॉलमध्ये येण्याआधी त्यांचं तापमान पाहाणं, सॅनिटाइझ करणं अत्यावश्यक असणार आहे. शरीराचं तापमान जास्त असेल तर नागरिकांना मॉलमध्ये सोडलं जाणार नाही. 5 ऑगस्टपासून मॉल, जिम आणि योग सेंटर सुरू करण्यासाठी परवानगी देण्यात आली आहे.

मॉल्समध्ये सॅनिटाइझ केलं जात आहे. याशिवाय ग्राहकांना सोशल डिस्टन्स राखण्यासाठी मॉलमध्ये विशेष सुविधाही उपलब्ध करण्यात आल्या आहेत.

ठाण्यात मात्र मॉल सुरू होणार नाहीत. कारण तसे आदेश ठाणे महानगरपालिकेने जारी केले आहेत. मॉलसोबतच ठाणे महानगरपालिका हद्दीतील जीम, स्वीमिंग पूल, भाजी मार्केट आणि बाजारपेठा देखील सुरू न करण्याचा निर्णय ठाणे मनपाने घेतला आहे.

पुण्यात मात्र मॉल सुरू करण्यात परवानगी देण्यात आली आहे. पुण्यामध्ये मॉल्स आणि व्यापारी संकुले 5 ऑगस्ट पासून सकाळी 9 ते 7 खुली राहतील. मात्र मॉल्समधील हॉटेल्स ,रेस्टरन्ट ,सिनेमागृहे बंदच राहणार आहेत. तर हॉटेल्स, रेस्टरन्टमधून खाद्यपदार्थ घरपोच पाठवता येणार आहेत.