PHOTOS : राज्यातील शाळा सुरू झाल्यानंतर लागू असतील हे 8 नियम, विद्यार्थी आणि शिक्षकांना घ्यावी लागेल काळजी!

विद्यार्थ्यांच्या सुरक्षिततेसाठीची योग्य ती खबरदारी घेऊन दिवाळीनंतर राज्यातील नववी ते बारावी पर्यंतच्या शाळा सुरू करण्यात याव्या असे निर्देश मुख्यमंत्री उद्धव ठाकरे यांनी आज दिले.

शाळा सुरू करण्यास परवानगी देण्यात आल्यानंतर कोरोनाच्या पार्श्वभूमीवर विशेष नियमावलीही जारी करण्यात आली आहे. या नियमांचं पालन करणं शाळांसाठी बंधनकारक असणार आहे.

शाळांचे सॅनिटायजेशन बंधनकारक : कोरोनाचा प्रादुर्भाव वाढू नये यासाठी शाळांचं सॅनिटायजेशन बंधनकारक करण्यात आलं आहे.

शिक्षकांची कोरोना तपासणी आवश्यक असणार आहे.

सोशल डिस्टन्सिंगचं पालन व्हावं, यासाठी एका बेंचवर एकच विद्यार्थी असावा, असं सांगण्यात आलं आहे.

शाळांचे वर्ग एक दिवसाआड भरणार आहेत.

विद्यार्थ्यांनी घरीच जेवण करून यावं, जेणेकरून गर्दी टाळली जाईल. शिवाय अन्नातूनही विषाणूचा प्रसार होणार नाही. विद्यार्थ्यांनी स्वत: पाण्याची बाटली आणावी.

शाळा केवळ 4 तासांसाठी भरेल.

विज्ञान, गणित आणि इंग्रजी हे विषय शिकवले जाणार. इतर विषयांसाठी ऑनलाईन क्लास असतील.