राजकीय फटकेबाजी करणारे राज ठाकरे मुलासोबत टेनिस कोर्टवर, PHOTOS

मनसेचे अध्यक्ष राज ठाकरे यांची भाषणातली फटकेबाजी सर्वश्रूत आहे. व्यंगचित्रातून त्यांचे फटकारे अवघ्या महाराष्ट्राने पाहिले. पण राज ठाकरे हे चांगले क्रीडा प्रेमी सुद्धा आहे. शिवाजी पार्कवर राज ठाकरे आणि त्यांचा मुलगा अमित ठाकरे हे कॅमेऱ्यात कैद झाले आहे.

राज ठाकरे आणि अमित ठाकरे हे नेहमी प्रमाणे शिवाजी पार्कामध्ये टेनिस खेळण्यासाठी येत असतात. गुरुवारी सुद्धा राज ठाकरे टेनिस खेळण्यासाठी आले होते.

यावेळी मनसे नेते अमित ठाकरे (Amit Thackeray) यांचं फूटबॉल प्रेम पाहण्यास मिळालं. शिवाजी पार्कमध्ये अमित ठाकरे यांनी त्यांचं फूटबॉलचं स्किल दाखवून दिलं.

मनसेकडून दादरच्या शिवाजी पार्क मैदानात विद्युत रोषणाई करण्यात आली आहे. या कार्यक्रमाच्या उद्घाटनसाठी अमित ठाकरे आले होते.

त्यावेळी शिवाजी पार्क मैदानात फूटबॉल फुटी या संस्थेची मुलं फूटबॉल खेळत होती. या मुलांनी अमित ठाकरेंना फूटबॉल खेळण्याची विनंती केली.

अमित ठाकरे यांनीही या मुलांच्या विनंतीला मान देऊन फूटबॉल खेळण्याचा आनंद लुटला.

टेनिस खेळताना राज ठाकरे आणि अमित यांचा हा फोटो सध्या व्हायरल झाला आहे.

राज ठाकरे टेनिस खेळण्यासाठी आले होते. त्यावेळी शिवाजीपार्क परिसरात काम करणाऱ्या मुंबई महानगरपालिकेच्या सफाई कर्मचाऱ्यांनी राज ठाकरे यांच्याकडे त्यांच्यासोबत फोटो काढण्याची विनंती केली. राज ठाकरे यांनीही कर्मचाऱ्यांच्या विनंतीला मान दिला आणि फोटो काढण्यासाठी पुढे आले. फोटो काढत असताना राज ठाकरे यांनी मोठ्या मनाने कर्मचाऱ्यांच्या खांद्यावर हात ठेवला आणि दिलखुलासपणे फोटो काढला.