BIG NEWS: मुंबईत गेल्या 3 महिन्यातली सर्वात कमी रुग्णसंख्या, मृत्यूमध्येही झाली घट

राज्याप्रमाणे मुंबईतही कोरोना रुग्णांची संख्या (Mumbai Covid update) घसरणीला लागली आहे. शनिवारी (7 नोव्हेंबरला) गेल्या तीन महिन्यातले सर्वात कमी नवीन रुग्ण आढळून आले आहेत.

शनिवारी दिवसभरात 576 नवीन रुग्ण आढळून आलेत. शहरातल्या एकूण रुग्णांची संख्या ही 2,63,052 एवढी झाली आहे.

तर 245 जणांनी कोरोनावर मात केली. त्यामुळे कोरोनामुक्त होणाऱ्या रुग्णांची संख्या ही 2,35,657 एवढी झाली आहे.

दिवसभरात 23 जणांचा मृत्यू झाला. त्यामुळे एकूण मृत्यू झालेल्या रुग्णांची संख्या ही 10,419 एवढी झाली आहे.

शहरात सध्या 16,262 रुग्णांवर उपचार सुरू आहेत. त्यामुळे आरोग्य व्यवस्थेवरचा ताण थोडा कमी झाला आहे.

तर दिवाळीनंतर दुसऱ्या लाटेची शक्यता तज्ज्ञांनी व्यक्त केल्याने सगळ्यांनी काळजी घ्यावी असं आवाहन मुख्यमंत्र्यांनी केलं आहे.

मास्कचा वापर, सोशल डिस्टन्सिंगचा वापर आणि वारंवार हात धुणे या गोष्टींचं सक्तिने पालन करण्याचं आवाहनही मुख्यमंत्र्यांनी लोकांना केलं आहे.