सर्वेश तिवारी,मुंबई, 27 आॅक्टोबर : वडाळा स्टेशन परिसरात बुधवारी रात्री झालेल्या खुनाचं गुढ उकलण्यात रेल्वे पोलिसांना यश आलंय. रेल्वे पोलिसांनी अवघ्या ४८ तासाचा या खुनाचा छडा लावलाय. या प्रकरणी सात जणांना पोलिसांनी अटक केली आहे. एका तरुणीमुळे या तरुणाची हत्या करण्यात आल्याचं समोर आलंय.
2/ 8
घडलेली घटना अशी की, २४ आॅक्टोबर बुधवारी ही घटना घडली. वडाळा रेल्वे स्टेशन प्लॅटफाॅर्म क्रमांक एकवर ११ वाजून १५ मिनिटांनी मैफुजूल शेख तरुणाचा रक्ताच्या थारोळ्यात मृतदेह सापडला होता.
3/ 8
तरुणाचा मृतदेह सापडल्याची माहिती मिळाल्यानंतर पोलिसांनी घटनास्थळी धाव घेतली. पोलिसांनी या घटनेचा तपासासाठी परिसरातील सीसीटीव्ही फुटेज ताब्यात घेतले आणि त्या दृष्टीने तपास सुरू केला.
4/ 8
सीसीटीव्ही फुटेजमध्ये दिसून आलेल्या व्यक्तीचे रेखाचित्र काढण्यात आले आणि या रेखाचित्रामुळे हत्यांकाड सहभागी असलेला एक आरोपी ऋतिक कदमच्या पोलिसांनी मुसक्या आवळल्या.
5/ 8
रेल्वे पोलिसांनी जेव्हा, ऋतिक कदमला खाक्या दाखवत चौकशी केली तेव्हा त्याने मैफुजूल शेखच्या हत्येची कबुली दिली. ऋतिकने दिलेल्या कबुली जबाबनंतर आणखी ६ जणांना पोलिसांनी ताब्यात घेतलं.
6/ 8
पोलीस चौकशीत पुढे धक्कादायक माहिती समोर आली. आरोपी मंगेश सिरजणे आणि मृत मैफुजूल शेख यांचं एकाच मुलीवर प्रेम होतं. एकाच मुलीवर प्रेम करत असल्यामुळे काही दिवसांपूर्वी दोघांमध्ये कडाक्याचं भांडणं झालं होतं. याच रागातून मंगेशने आपल्या ६ मित्रांच्या मदतीने मैफुजूल शेखचा काटा काढण्याचं ठरवलं.
7/ 8
मैफुजूल शेखची हत्या करण्याआधी मंगेशने त्याच्या मित्रांन प्रचंड दारू पाजली होती आणि त्यानंतर हे सहाही मित्र हत्येत सहभागी झाले. वडाळा रेल्वे स्टेशन परिसरात रात्री ११ वाजेच्या सुमारास सातही आरोपींनी धारधार चाकूने हल्ला करून मैफुजूल शेखची हत्या केली.
8/ 8
मैफुजूल शेखच्या हत्येसाठी वापरण्यात आलेला चाकू पोलिसांनी जप्त केला. अटक केल्यानंतर सातही आरोपींनी कोर्टात हजर करण्यात आलं. कोर्टाने सर्व आरोपींनी पोलीस कोठडी सुनावली.
