धारावीत डॉक्टर कोरोना पॉझिटिव्ह, हॉस्पिटलसह 14 मजल्यांची इमारत सील; पाहा Exclusive Photos

सध्या राज्यात कोरोनाग्रस्तांची संख्या वाढत असताना मुंबईतल्या धारावीत 35 वर्षीय डॉक्टरलाही कोरोनाची लागण झाल्याचं आढळून आलं आहे.

डॉक्टर कोरोना पॉझिटिव्ह आढळल्यानं त्याच्या हॉस्पिटलसह 14 मजल्यांची इमारतही सील करण्यात आली आहे. या इमारतीत जवळपास 300 लोक राहतात.

इमारतीमध्ये एकूण 48 फ्लॅट आहेत आणि कोरोनाचं संक्रमण वाढू नये या उद्देशानं या बिल्डिंगला सील करण्यात आलं आहे. त्यामुळे आता इथून कोणालाच बाहेर जाता किंवा बाहेरुन आत येता येणार नाही

या इमारतीतल्या वयोवृद्ध लोकांची यादी तयार केली जात आहे. याशिवाय 25 जास्त संपर्कात आलेल्या लोकांची यादी तयार करण्यात आली आहे

जोपर्यंत जास्त संपर्कात आलेल्या लोकांच्या टेस्ट केल्या जात नाही तोपर्यंत या इमारतीतल्या सर्व लोकांना खाण्यापिण्याच्या वस्तूंचा पुरवठा पालिके कडून केला जाणार आहे.