COVID-19: डायबेटिसच्या रुग्णांना जास्त काळजीची गरज, आढळून आलीत 2 नवी लक्षणे

मुंबई - कोरोनावर रामबाण औषध निघालेलं नसलं तरी आता अनेक गोष्टी स्पष्ट होत आहेत. कोरोनाची लक्षणे आणि इतर गोष्टींची बरीच माहिती आता बाहेर आली आहे.

जगभरातल्या रुग्णांचा अभ्यास करून त्याविषयी डॉक्टर्स माहिती देत आहेत. तर राज्यात सरकारने स्थापन केलेला टास्क फोर्स त्याचा अभ्यास करत आहे.

ज्या लोकांना डायबेटिस, ब्लडप्रेशर किंवा इतर काही आजार असले तर त्यांना जास्त काळजी घेण्याची गरज आहे. डायबेटिस असणाऱ्या रुग्णांमध्ये काही नवी लक्षणे आढळून आली आहेत.

ज्यांना डायबेटिस आहे अशा लोकांना जर लागण झाली तर त्यांना सुरुवातीला हलकी लक्षणे दिसून येतात.

मात्र अशा रुग्णांमध्ये अचानक साखर एकदम कमी किंवा एकदम जास्त होत असल्याचं डॉक्टरांना आढळून आलं आहे.

असा चढ उतार झाला आणि उपचार मिळाले नाहीत तर रुग्णाच्या जीवाला धोकाही होऊ शकतो.

त्यामुळे ज्या लोकांना कोरोनाची लक्षणे आढळली आणि त्यांना डायबेटिस असेल तर त्यांनी आणि त्यांच्या कुटुंबीयांनीही जास्त काळजी घ्यावी असा सल्ला डॉक्टरांनी दिला आहे.