मुंबईच्या रस्त्यांवर जाणवला नाईट कर्फ्यूचा परिणाम, पाहा PHOTOS

सागर कुलकर्णी, मुंबई, 23 डिसेंबर : कोरोनाच्या दुसऱ्या लाटेचा संभाव्य धोका टाळण्यासाठी राज्याचे मुख्यमंत्री उद्धव ठाकरे यांनी मंगळवारी रात्रीपासून राज्यात संचारबंदी लागू केली आहे.

मुंबई शहरात संचारबंदीच्या पहिल्याच दिवशी 11 वाजण्याच्या आसपास दुकाने बंद केली गेल्याचं पाहायला मिळालं.

तसंच पोलिसांचा बंदोबस्त वाढल्याने रस्तेही निर्मनुष्य दिसू लागले आहेत.

नवीन वर्षाचं स्वागत करण्यासाठी नागरिक मोठ्या संख्येने घराबाहेर पडण्याची शक्यता होती. परिणामी कोरोनाचा धोका वाढला असता. या पार्श्वभूमीवर मंगळवारी रात्रीपासूनच 5 जानेवारीपर्यंत रात्रीची संचारबंदी करण्यात आली आहे.

शासनाने घेतलेल्या संचारबंदीच्या निर्णयाला मुंबईकर नागरिकांनी चांगला प्रतिसाद दिल्याचं चित्र पहिल्या दिवशी तरी दिसत आहे.

मुंबईमध्ये रात्रीच्या सुमारास गजबजणारे परिसर नाईट कर्फ्यूच्या निर्णयानंतर मात्र शांत झाले आहेत.