Lockdown मुंबईच्या उंबरठ्यावर; या शहरात Night curfew

राज्यातील कोरोना रुग्णांची संख्या इतक्या मोठ्या प्रमाणात वाढली आहे की, पुन्हा लॉकडाऊन लागू होण्यासारखी परिस्थिती निर्माण झाली आहे. 

मुख्यमंत्री उद्धव ठाकरेदेखील राज्यात लॉकडाऊनबाबत लवकरच निर्णय घेणार आहेत. पण आता हा लॉकडाऊन मुंबईच्या उंबरठ्यावर आला आहे. पनवेलमध्ये रात्री 12 ते सकाळी 5 वाजेपर्यंत संचारबंदी लागू करण्यात आली आहे. पनवेल महापालिकेनं हा निर्णय घेतला आहे.

लग्न समारंभासाठी पोलिसांची परवानगी आवश्यक. फक्त 50 लोकांच्या उपस्थितीत लग्नसोहळे होतील.

सार्वजनिक-गर्दीच्या ठिकाणी विनामास्क फिरताना आढळल्यास 500 रुपये दंड

या कालावधीत दहावी आणि बारावीचे वर्ग वगळता महाविद्यालयीन वर्ग आणि खासगी क्लासेसही पूर्णपणे बंद राहतील. पाचवी ते नववीचे वर्ग ऑनलाइन पद्धतीनेच सुरू राहतील.

खेळाचे सामने आणि स्पर्धा होणार नाहीत. अभ्यासिका, ग्रंथालय 50 टक्के उपस्थितीसह कोरोना नियमांचं पालन करून सुरू राहतील.

नियमांचं पालन न केल्यास गुन्हा दाखल केला जाईल. जीवनावश्यक वस्तूंचा पुरवठा आणि अत्यावश्यक सेवांना यातून वगळण्यात आलं आहे.